Monday, February 22, 2010

புதுசா கட்டிகிட்ட ஜோடியா இருந்தப்ப...



நாங்க புதுசா கட்டிகிட்ட ஜோடியா இருந்தப்ப நடந்த ஒரு சம்பவம். சம்பவம்னு சொல்றத விட இந்த அப்பாவி தங்கமணிக்கு நடந்த ஒரு கொடுமைன்னு சொல்லலாம்


கல்யாணம் ஆன ஒரு மாசத்துல ரங்கமணி "கடமையே கண்ணா" துபாய் போய்ட்டாரு. எனக்கு ஒரு மாசத்துல விசா எடுத்து அனுபறேனு சொல்லிட்டு போனாரு. நானும் ஊரெல்லாம் "ஆத்தா நான் பாஸ் ஆய்ட்டேன் " ரேஞ்சுக்கு சொல்லிட்டு திரிஞ்சேன்

வீடு கிடைக்கலன்னு ஒரு மாசம், மேனேஜர் ஊருக்கு போய்ட்டாரு விசாவுக்கு கையெழுத்து போட அவரு வரணும்னு ஒரு மாசம். எல்லாம் வந்தப்புறம் டிக்கெட் கிடைக்கலைன்னு ஒரு மாசம் எல்லாம் முடிஞ்சு ஒரு வழியா விசா வந்தது (இது எல்லாமே ரங்கமணி பிளான் தான்னு பின்னாடி தெரிஞ்சு அப்புறம் நடந்தது எல்லாம் ரங்கமணி கெஞ்சி கேட்டதற்கு இணங்க கட் பண்ணிட்டேன் ......)

ஏர்போர்ட்ல அம்மா அப்பா தங்கச்சி எல்லாருக்கும் பாய் பாய் சொல்லி மூக்க உரிஞ்சுட்டு நடுராத்திரி பன்னண்டு மணிக்கி துபாய் போய் சேந்தேன்


அடுத்த நாள் அதிகாலை ஏழு மணிக்கி "வேலைக்கு போகணும் எந்திரிச்சு சமையல் செய்" அப்படின்னு ஒரு குண்டை தூக்கி போட்டாரு

ஜெர்க் ஆனாலும் அதை எல்லாம் வெளிய காட்டாம நானும் சமைக்கறேனு தயார் ஆனேன். சரி சுலபமா அரிசி பருப்பு சாதம் செய்யலாம் நம்ம அம்மா செய்யறத எத்தானை பாத்து இருக்கோம்னு களம் இறங்கியாச்சு

எல்லாம் செஞ்சு ரங்கமணி சாபிட்டு வேலைக்கு போய்ட்டாரு

இனி தாங்க கொடுமையே ஆரம்பம். சுத்தம் பண்ணலாம்னு சமையல் ரூம் போனா ஒரு கப்புல துவரம் பருப்பு என்னை பாத்து சிரிப்பா சிரிக்குது

பருப்பு போடாமலே அரிசி பருப்பு சாதமானு ஒரே அழுகையா போச்சு. உடனே ரங்கமணிக்கு போன் பண்ணி என்ன பேசினோம்னு நீங்களே படிங்க:-

தங்க்ஸ்: என்னங்க, அரிசி பருப்பு சாப்பாடு எப்படி இருந்தது?

ரங்கஸ்: நல்லா தான் இருந்தது , என்னாச்சு?

தங்க்ஸ்:(அழுகையுடன்...) பருப்பே போடல...(ஆணியே புடுங்கல ரேஞ்சுக்கு...அழுகை
தொடர்கிறது)

ரங்கஸ்: விடும்மா பரவால்ல

தங்க்ஸ்: நீங்க ஏன் சொல்லல?

ரங்கஸ்: உங்க வீட்டுல இப்படி தான் செய்வாங்கன்னு நெனச்சேன் (இதை கேட்டு
நான் எப்படி நொந்து போய் இருப்பேனு நீங்களே சொல்லுங்க சக தங்கமணிகளே)

அதிகாலை ஏழு மணிக்கி எந்திரிச்சு கஷ்டப்பட்டு சமையல் செஞ்சு குடுத்த என்னை பாத்து...என்னை பாத்து...என்னை பாத்து...என்ன வார்த்தை சொல்லிட்டாரு....இந்த கொடுமையை கேட்க யாருமே இல்லையா.....???