Friday, July 30, 2010

அப்பாவியின் ஆர்டர்...


நம்ம சுசி அக்கா (கண்டுக்காதீங்க...) இந்த வித்தியாசமா தொடர் பதிவுக்கு கூப்பிட்டது ஜூலை ஒண்ணாம் தேதி

தலைப்பை பாத்து அப்பவே எழுத கை துரு துருன்னுச்சு, ஆனாலும் என் இனிய தமிழ் மக்களே... கடமை கண்ணியம் கட்டுப்பாடு வா வா என அழைத்தபடியால் சற்று தாமதம் ஆகி விட்டது. மன்னிக்க வேண்டுகிறேன் மரத்தமிழனே(ளே).... (ஸ்ஸ்ஸ்ஸ்ப்ப்ப்பா... சோடா ப்ளீஸ்...)

(ஸ்ஸ்ஸ்ஸ்ப்ப்ப்பா... தாங்க முடில - mindvoice )

"என்னம்மா கண்ணு... ஒரே அரசியல்வாதி ஸ்டண்ட் அடிக்கற" அப்படின்னு கேக்கரீங்களோ... என்னங்க செய்ய? நான் எழுத போற விசயம் அப்படி

இதோ சுசி கூப்பிட்டது இப்படி தான்

//உங்களுக்கான டாபிக்.. கடவுள் உங்களுக்கு ஒரு வரம் தரார். நீங்க என்ன கனவு காணறிங்களோ அது அப்டியே கனடாவோட சட்டமா அமுல்ப்படுத்தப்படும். மறு பேச்சு இல்லாம. ஆரம்பியுங்க கனவை. தலைப்பு “அப்பாவியின் ஆர்டர்”//

சுசி வாழ்க சுசி வாழ்க சுசி வாழ்க... என்னத்துக்கு இப்போ கோஷம் போடறேன்னு கேக்கறீங்களா? பின்ன கனவுன்னாலும் "அப்பாவியின் ஆர்டர்" னு சொல்லிட்டாங்களே...அதுக்கு தான் வாழ்க கோஷம்... ஹி ஹி ஹி

(இவ சும்மாவே ஆடுவா... இந்த சுசி பொண்ணு சும்மா இருக்காம வேப்பெல வேற குடுத்தாச்சு... இனி என்ன... ஹும்... - mindvoice )

அரசியல்ல இதெல்லாம் சகஜமப்பா...ஒகே ஒகே... போஸ்டுக்கு போவோம்...

உடனே எல்லாரும் உங்க போஸ்ட் பாக்ஸ் தேடி போகாதீங்க... அதாவது நான் எழுதபோறேன்னு சொன்னேன்...

அப்போ இவ்ளோ நேரம் எழுதாம என்ன கிறுக்கினயானு குறுக்க குறுக்க கேள்வி கேட்டீங்க... அப்புறம் அப்பாவியின் மொதல் ஆர்டர் உங்கள நாடு கடத்தறது தான்...ஹா ஹா ஹா... ம்ம்ம்... அந்த பயம் இருக்கட்டும்...

யாரங்கே... அரசவை கூடட்டும்...

ஓவர் பில்டப்பா இருக்கோ? ஹி ஹி ஹி ... பின்ன ஆர்டர் போடணுமில்லையா...

ஒரே ஒரு கனவுல ஒரே ஒரு ஆர்டர் எல்லாம் நமக்கு கட்டுபடி ஆகாதுங்க... அதனால ஒரே கனவுல நெறைய ஆர்டர்ஸ் போடலாம்ன்னு இருக்கேன்...ஒரே கனவுல நெறைய ஆசை வராதா என்ன... எல்லாம் வரும்... பின்ன நமக்கு இருக்கற பிரச்சன ஒண்ணா ரெண்டா...

மொக்கை orders first :-

1 . என்னை போல சொந்த நாட்டை விட்டு வெளிநாட்டுல போய் நல்ல மனசோட அந்த ஊருக்காக உழைக்கற நல்ல உள்ளங்களுக்கு... அதாவது NRI ஸ்...

அவங்களை வருசத்துக்கு ஒரு வாட்டி அந்த அந்த நாட்டு அரசாங்கம் சொந்த செலவுல அவங்க அவங்க சொந்த ஊருக்கு அனுப்பி வெக்கணும் (ரெண்டு மாசம் சம்பள லீவோட...)

இது எப்படி இருக்கு? (இதுக்கு நெறைய வோட் விழும்னு நினைக்கிறேன்... ஹா ஹா ஹா)

2 . அப்புறம் தமிழ் பேருல ப்ளாக் வெச்சு இருக்கறவங்களுக்கு கவர்மென்ட் 95 % வருமான வரி விலக்கு தரணும்

(அந்த அஞ்சு சதவீதம் மட்டும் ஏன் விட்டு வெச்ச - mindvoice )

கவர்மென்ட் பாவம் இல்லையா .... (ஹி ஹி ஹி)...

ஐயோ பாவம் பொற்கொடி, ஹரிணி, அனாமிகாவுக்கெல்லாம் வரி விலக்கு கெடைக்காது... அதுவும் பொற்கொடிக்கு சான்சே இல்ல... அவங்க ப்ளாக் தலைப்பு மட்டுமில்லாம ஒரு ஒரு இடுகை தலைப்பு கூட ஆங்கிலத்துல தான் வெப்பாங்க...

பாவம்... சரி சரி.. பீல் பண்ணாதீங்க.... நான் உங்களுக்கு சாதகமா வேற ஆர்டர் போடறேன்... ஒகே... அழுகாதீங்க... சரியா...

அதோட வீட்டுல இருந்து முழுநேரம் ப்ளாக் போடறவங்களுக்கு ஸ்டைபண்ட் தரணும்... நெறைய எல்லாம் வேண்டாம்... மாசம் ஒரு ரெண்டாயிரம் டாலர் குடுத்தா போதும்... எங்களுக்கு பேராசை எல்லாம் இல்ல...

அமெரிக்கன் டாலர் குடுத்தாலும் சரி கனடியன் டாலர் குடுத்தாலும் சரி... ஆனா முருகன் டாலர் மட்டும் வேண்டாம்... (சாமி ஆனாலும் ஆசாமி ஆனாலும் நாம முன்ஜாக்கிரதயா இருக்கணும் பாருங்க... காலம் கெட்டு கெடக்கு...)

(அத இவ சொல்றா - mindvoice )

(ஆபீஸ்ல உக்காந்து முழு நேரம் ப்ளாக் எழுதறவங்கள என்ன செய்யறதாம், அதுக்கும் எதாச்சும் ஆர்டர் வெச்சுருப்பா.. பாப்போம்... - mindvoice )

3 . போட்டோ காபினா எப்படி ஜெராக்ஸ்ஓ? வனஸ்பதினா எப்படி டால்டாவோ? அப்படி உலகம் பூரா இட்லினா தங்கமணி பிராண்ட் இட்லி தான்

யாரும் வீட்டுல இட்லி செய்ய அனுமதி இல்லை. அப்படி மீறி செஞ்சா ஒரு லட்சம் ரூபா பைன். ஒன் அண்ட் ஒன்லி "தங்கமணி பிராண்ட் இட்லி" தான். விலை ஒரு இட்லி வெறும் நூறு ரூபா தான்

வேற வழியே இல்ல நீங்க வாங்கி தான் ஆகணும்... ஏன்னா இது monopoly ... புரியலையா... எல்லாரும் லைப்ரரி போய் உடனே எகனாமிக்ஸ் டிக்சனரி எடுத்து படிங்க...

(இவ அகராதியே தாங்கல .. இதுல எகனாமிக்ஸ் அகராதி வேறயா... - mindvoice )

சரி சரி... மொக்கைக்கு மூணு போதும்னு நினைக்கிறேன்... இல்லேனா flight வருமாம்... இப்பவெல்லாம் இதான் பேசனாம்... ஆட்டோ எல்லாம் ஓல்ட் பேசன் ஆய்டுச்சாம்... BBC ல சொன்னாங்க...

இனி உருப்படியான கனவு ஒண்ணு சொல்லிக்கறேன்:-

உலகம் பூரா ஒரே கூரை ஆய்டணும்... ஒரே கரன்சி, ஒரே தலைவர், ஒரே ஜனநாயக அரசாங்கம், உலகத்துல மூணுல ஒரு பங்கு இடம் விவசாயம் தான் செய்யணும் இப்படி ஆகணும். ஏன் இப்படி சொல்றேன், இதனால் ஏற்படும் நன்மைகள் என்னனு சொல்றேனே:-

1 . எல்லாம் ஒரே நாடுன்னு ஆய்ட்டா அப்புறம் ராணுவம் எதுக்கு? எவ்ளோ பெரிய செலவு மிச்சம். எவ்ளோ உயிர் பலிகள் தடுக்கப்படும்

2 . தூதரகம், விசா ஆபீஸ், பாஸ்போர்ட் ஆபீஸ் எல்லாம் இல்லாம போய்டும். இன்னும் செலவு மிச்சம், பிரச்சனை தீரும்

3 . நீ நான்ங்கற போட்டி இல்ல, டாலர் ரூபாங்கற ஏற்ற தாழ்வு இல்ல. போர் பிரச்சினைங்கற விசியமே இல்ல. எவ்ளவோ மிச்சம், எவ்ளவோ நிம்மதி

4 . இது எதுவும் இல்லைனா மக்களுக்கு வேலை இல்லாத திண்டாட்டம் வந்துடாதானு நீங்க கேக்கலாம். நிச்சியமா வராது. Optimal Utilisation of Resources செஞ்சா எல்லாமும் சரியாவே இருக்கும்

5 . கனடா மக்கள் தொகை இந்தியா மக்கள் தொகைல நாலுல ஒரு பங்கு தான். ஆனா மொத்த பரப்பளவு இந்தியாவ விட மூணு மடங்கு பெருசு. எல்லாம் ஒண்ணுனு ஆய்ட்டா மக்கள் ஒரே எடத்துல குவியறது குறையலாம்... அதுக்கு கவர்மென்ட் சட்டம் கூட போடணும்னு சொல்லலாம்

6 . மூணுல ஒரு பங்கு இடம் விவசாயம்னு வர்றப்ப வேலை வாய்ப்பு கூடும், உணவு தட்டுபாடு விலகும், ஒரே நாடுன்னா ஏற்றுமதி இறக்குமதி எதுவும் இல்ல, எல்லாமும் எல்லாருக்கும் தான். அப்ப பதுக்கல், கள்ளசந்தை எல்லாமும் ஒழியும்

இப்படி இன்னும் சொல்லிட்டே போகலாம்... இப்ப சொல்லுங்க என்னோட கனவு நல்ல கனவு தானே...

கற்பனை தாங்க, ஆனாலும் நெனச்சு பாக்கவே ரெம்ப அழகா இருக்கு இல்லையா... பாப்போம் ஒரு ஆயிரம் வருஷம் கழிச்சாச்சும் இதுல நூத்துல ஒரு பங்காச்சும் பலிக்குதானு...

நான் இப்படி எல்லாம் சொல்றத பாத்து "அந்த ஒரே கூரை உலகத்துக்கு நீயே தலைமை தாங்குன்னெல்லாம் சொல்ல கூடாது" ஆமா சொல்லிட்டேன்... ஏன்னா எனக்கு பதவி ஆசை எல்லாம் இல்ல பாருங்க... ஹி ஹி ஹி

(ஆரம்பிச்சுட்டாயா ஆரம்பிச்சுட்டா...... - mindvoice )

ஒகே.. இந்த தொடர் பதிவ தொடர அழைக்கணும் இல்லையா..

இதோ...இவங்க ஏழு பேரை சிக்க வெக்கலாம்னு இருக்கேன்... அருமையான வாய்ப்பு கெடைக்கறப்ப விடக்கூடாது பாருங்க... (ஹி ஹி ஹி)

மொதல்ல நம்ம சிரிக்க மட்டும் ப்ளாக் புகழ் (Just for laugh ங்கோ...) காயத்ரி 
நீங்க ஒரு கொள்ளகூட்ட கும்பல்கிட்ட சிக்கிக்கறீங்க (ஏன் இந்த நல்ல எண்ணம்னெல்லாம் கேக்க கூடாது). உங்ககிட்ட ஆயுதம், செல்போன் எதுவும் இல்ல. நீங்க இருக்கற எடத்துல எந்த தகவல் தொடர்பு சாதனமும் இல்ல. கண்ணுக்கு எட்டின தூரம் வரை சுத்தியும் வெறும் காடு. காட்டோட எல்லை முழுக்க மின்சாரவேலி. உங்கள ஒரு இருட்டு ரூம்ல அடிச்சு வெச்சு இருக்காங்க...எப்படி தப்பிச்சு வருவீங்க....தலைப்பு "நானும் நாப்பது கொள்ளையர்களும்" ( "அமைதிச்சாரல்" அக்கா இன்னிக்கி நீங்க தப்பிச்சு இருக்கலாம்... பட் உங்க பேரை குறிச்சு வெச்சுட்டேன் என்னோட டைரில... நீங்க தப்பிக்கவே முடியாது... ஹா ஹா ஹா... வில்லன் சிரிப்பாக்கும்... ஹி ஹி ஹி...)

அடுத்தது நம்ம "அன்புடன் ஆனந்தி"
நீங்க ஒசாமா பின் லேடன் பத்தி ஒரு கவிதை எழுதணும்... மாட்டேன்னு சொன்னா அவரே வந்து விசாரிப்பாரு எப்படி வசதி? (ஹி ஹி ஹி)

அடுத்தது  நம்ம வானதி
நீங்க "மாவு இல்லாமல் பரோட்டா செய்வது எப்படி? " அப்படின்னு சமையல் குறிப்பு எழுதணும்... (ஹையோ ஹையோ)

அடுத்தது தக்குடு
"நாக்க முக்க நாக்க முக்க" என்ற கருத்தாழம் மிக்க பாடலுக்கு  தக்குடு ஸ்டைலில் விளக்கவுரை அளிக்கும் அரிய பணியை உங்களுக்கு அளிக்கிறோம்... இந்த அறப்பணியை செவ்வனே செய்து முடிக்கும் வேளையில் கோடம்பாக்கம் கல்வெட்டுகளில் உங்கள் பெயர் "நாக்கை வென்ற தக்குடு பாண்டியன்" என்ற அடைமொழியுடன் பதியப்படும் என்பதை தெரிவித்து கொள்கிறோம். தலைப்பு "நாக்க முக்கவும் தக்குடு பாண்டியரும்..." (ஹா ஹா ஹா)

இனி பாலாஜி
திடீர்னு உங்க கம்பெனில உங்கள ஒரு நாள் CEO ஆக்கிடறாங்க... நீங்க என்ன முடிவு வேணா எடுக்கலாம்னு சொல்றாங்க... என்ன என்ன மாற்றம் கொண்டு வருவீங்க... ஸ்டார்ட் லிஸ்டிங்... தலைப்பு "நான் CEO ஆனால்..."

அடுத்தது நம்ம "எங்கள் ப்ளாக்" ஸ்ரீராம் சார்
கடவுள் உங்களுக்கு ஒரு வரம் தர்றார். ஒரு நாள் நீங்க விரும்பற உருவம் நீங்க எடுக்கலாம்னு...அதாவது கூடு விட்டு கூடு பாயுற மாதிரின்னு வெச்சுகோங்ளேன்... அந்த ஒரு நாள் நீங்க யாரா இருக்க விரும்புவீங்க? காரணம் என்ன? என்ன செய்வீங்க அந்த உருவத்துக்கு மாறி?

அது உயிரோட இருக்கறவங்களா தான் இருக்கணும்னு இல்ல... யாரா வேணும்னாலும் இருக்கலாம்...இதான் உங்களுக்கு... தலைப்பு "நான் அவர் இல்லை..." (எப்பவும் நீங்க கேள்வி கேப்பீங்க.. இன்னிக்கி ஒரு மாற்றத்துக்கு நான் கேக்கறேன்... ஹா ஹா ஹா)

அடுத்தது நசரேயன் அவர்கள்
இவருக்கு கொடுக்கப்படும் தலைப்பு "காபி வித் பறவை முனியம்மா...". நீங்க பறவை முனியம்மாவை மினிமம் பத்து கேள்விகள் கேக்கணும்... உங்க ஸ்டைல்ல கலக்குங்க... ஸ்டார்ட் மீசிக்...


...

Wednesday, July 28, 2010

பிடித்த ஐந்து பாடகர்கள் (அனன்யா அழைத்த தொடர்பதிவு)

இந்த தொடர்பதிவுக்கு அனன்யா என்னை அழைச்சது மே 1 2010 அன்னிக்கி... மொறைக்காதீங்க... கொஞ்சம் லேட் தான் ஆய்டுச்சு

கொஞ்சமில்ல ரெம்பவே... ஹி ஹி ஹி

"உன்னை எல்லாம் தொடர் பதிவுக்கு கூப்பிடுறாங்க பாரு அவங்கள சொல்லணும்"னு நீங்க திட்டறது நூறு டெசிபல் சத்தத்துல நல்லாவே கேக்குது...

அதான் முடிவு பண்ணிட்டேன்... இனி தொடர் பதிவு எல்லாம் போட்டு முடிச்சுட்டு தான் மத்த வேலைன்னு... ofcourse நடுல சாப்பிட / தூங்கன்னு சில முக்கியமான வேலைகள் செய்யத்தானே வேணும்

பிடித்த ஐந்து பாடகர்கள்னு எழுதறது கொஞ்சம் கஷ்டம்னு எனக்கு தோணுது... அதுக்கெல்லாம் ஸ்ருதி (இதை படிக்கறப்ப நம்ம பிரபல பதிவர் ........... உடைய பிரெண்ட் ஸ்ருதி ஞாபகம் உங்களுக்கு வந்தா நான் பொறுப்பில்ல...ஹா ஹா ஹா) , தாளம், ராகம், பல்லவி, பல்வலி, ஆலாப்பு, மத்தவங்களுக்கு ஆப்பு எல்லாம் தெரிஞ்சவங்க பாடகர்கள் பத்தி எழுதினா சரிதான்

சுருக்கமா சொல்லணும்னா நம்ம தக்குடுவ போல "Corporate கச்சேரி" நடத்துற "சங்கீத ஜாம்பவான்கள்" களுக்கு வேணும்னா சரி வரும்

என்னை போல மெட்டு நல்லா இருக்கு, பாட / கேக்க நல்ல இருக்குனு மேலோட்டமா பாத்து ரெம்ப புரிஞ்ச மாதிரி act விடுற ஜீவன்களுக்கு ஆகுமா?

அதான் பேசாம எனக்கு பிடிச்ச அஞ்சு பாட்டுகள போட்டுடறேனே... (அனன்யா திட்டாதே...ஹி ஹி ஹி)

1 . மன்றம் வந்த தென்றலுக்கு
"மௌன ராகம்" படத்துல வர்ற இந்த பாட்டு என்னோட ஆல் டைம் favourite ...
படத்தால பாட்டு பிடிச்சதா பட்டால படம் பிடிச்சதா பிரிச்சு பாக்க முடியல. அவ்ளோ அழகு இந்த பாட்டும் படமும். இந்த படத்துல எல்லா பாட்டும் சூப்பர் தான், ஆன இந்த பாட்டு ரெம்ப சூப்பர்

2 . ஜனனி ஜனனி
"தாய் மூகாம்பிகை" படத்துல இந்த பாட்டு நான் அடிக்கடி முணு முணுக்கற ஒண்ணு. என்னமோ அப்படியே கட்டி போடுற ஒரு composition னு எனக்கு தோணும். இந்த பாட்டு எப்போ கேட்டாலும் அப்படியே நின்னுடுவேன் அந்த எடத்துல (அப்ப மத்த சமயம் எல்லாம் உக்காந்துட்டே இருப்பியான்னு குண்டக்க மண்டக்க எல்லாம் கேள்வி கேக்கக்கூடாது ... அப்புறம் உங்கள பார்த்திபன் சார் கிட்ட புடிச்சு குடுத்துடுவேன் )

3 . என்ன சத்தம் இந்த நேரம்
"புன்னகை மன்னன்" படத்துல வர்ற இந்த பாட்டு ரெம்ப பிடிக்கும். அந்த கடைசி நிமிச உணர்வுகளை பிரதிபலிக்கற அருமையான வரிகள் மற்றும் இசை மற்றும் நடிப்பு. எல்லாம் சேந்து தான் இந்த பாட்டை பிடிச்சதா ஆக்கிடிச்சு

4 . கல்யாண மாலை கொண்டாடும் பெண்ணே
"புது புது அர்த்தங்கள்" படத்துல வர்ற இந்த பாட்டு ஒரு ஸ்பெஷல். நானும் ரங்க்ஸ்ம் ஒத்து போற ஒரே விசயம் இந்த பாட்டு ரெண்டு பேருக்கும் பிடிக்கும்கறது தான், ஹா ஹா ஹா
ரெம்ப தேர்ந்தெடுத்த வரிகள், அதுக்கு அழகு சேக்கற இசை மற்றும் குரல். பின் 80 முன் 90 களில் பெரும்பாலான கல்யாண CD களில் தவறாம இடம் பிடிச்ச ஒரு பாட்டு (அதாவது நான் சின்ன புள்ளயா இருக்கறப்ப... ஒகே... ஒகே)

5 . வா வா என் தேவதையே
சமீபத்துல ஒகே ஒகே... போன வருஷம்...  வந்த சினிமாக்களில் ரெம்ப பாதிச்ச ஒரு பாட்டு இது. "அபியும் நானும்" படத்துல வர்ற அழகான அப்பா பொண்ணு செண்டிமெண்ட் பாட்டு. அதனால தான் பிடிச்சதோ என்னமோ
ரெம்ப ரெம்ப அழகான வரிகள், அதை விட அழகான இசை, எல்லாத்துக்கும் மேல அந்த பாடலுக்கு முழு அர்த்தம் குடுத்த பிரகாஷ்ராஜோட நடிப்பு எல்லாம் சேந்து தான் இந்த பாட்டை ஹிட் பண்ணுச்சுன்னு நினைக்கிறேன்

இன்னும் நெறைய விருப்ப பாடல்கள் இருக்குங்க... சொன்னா இன்னிக்கி முழுக்க சொல்லலாம். நீங்க தெறிச்சு ஓடிடுவீங்க....ஹா ஹா ஹா

ஆனா நான் பாத்த வரைக்கும் ஒரு பாட்டு ஹிட் ஆகணும்னா அந்த படம் கூட ஹிட் ஆகணும்னு நினைக்கிறேன். பட்டாலேயே ஹிட் ஆனா படங்கள் பல உண்டுங்கறது வேற விசயம்

ஒகே , தொடர் பதிவுன்னா இன்னும் நாலு பேராச்சும் அழைக்கணும் இல்லையா... இது ரெம்ப பழைய தொடர் பதிவு, பெரும்பாலும் ஒரு ரவுண்டு வந்து எல்லாரும் எழுதிட்டங்கன்னு நினைக்கிறேன்...

இருந்தாலும் யாராச்சும் சிக்கராங்களானு பாப்போம்...

ம்....நான் தொடர அழைப்பவர்கள்

அபி அப்பா 


ஜெய்லானி


திவ்யாம்மா


சந்த்யா

சரிங்க போறதுக்கு முந்தி இன்னொன்னு...


நம்ம ப்ளாக் நண்பர்களுக்கு ரெம்ப பெரிய மனசுங்க... விருதை அள்ளி குடுக்கறாங்க.... கடந்த சில வாரங்களில் நாலு விருது குடுத்து இருக்காங்க... அவங்களுக்கு ஒரு நன்றி சொல்லிகரனுங்க... அதோட அதை உங்க எல்லார்கிட்டயும் ஷேர் பண்ணிகரனுங்க... நன்றிங்க... bye ங்க...

இதோ அந்த விருதுகள்:-

மிக்க நன்றி காயத்ரி - Golden Blog Award
















மிக்க நன்றி பிரசன்னா - தேவதை விருது













மிக்க நன்றி ஜெய்லானி - தங்கமகன் விருது





















மிக்க நன்றி ஆனந்தி - Thank you Friends Prize



















நன்றிங்கோ... அப்புறம் பாப்போம்...

Sunday, July 25, 2010

தங்கமணி ரங்கமணி (ஒரு அறிமுகம்)


ஒரு ஊர்ல ரங்கமணி ரங்கமணினு ஒரு ரங்கமணி இருந்தாருங்க. அட, ரெண்டு பேரு இல்லைங்க, ஒருத்தர் தான், அவர் பேரே "ரங்கமணி" தான். ஆச்சிர்யமா இருக்கோ? இதுக்கே ஆச்சிர்யப்பட்டா எப்படிங்க? இனிதான் முக்கியமான ஆச்சிர்யமே இருக்கு

அவரோட தங்கமணி பேரு "தங்கமணி" யே தான். நாலு வருசத்துக்கு முன்னாடி இவங்க கல்யாணதப்ப ஊரே ஆச்சிர்யப்பட்டுச்சு இவங்க பேரு பொருத்தத்த பாத்து

ஆனா... பேருல தான் இப்படி ஒரு பொருத்தம்... வீட்டுல தினமும் ரணகளம் தான் போங்க. இவங்க கிழக்குன்னா அவர் மேற்குனுவாரு. அப்படி ஒரு எதிர் பொருத்தம்

தங்கமணி ரங்கமணினாலே அப்படி தானேங்கரீங்களா... அதுவும் வாஸ்துவம் தான்...

இந்த தங்கமணி கிட்ட இருக்கற ஒரு peculiar விசயம் என்னனா.... பேச்சுக்கு பேச்சு ஒரே பழமொழியா கொட்டி தள்ளுவாங்க... உங்கூரு எங்கூரு பழமொழி இல்ல உலக பழமொழி தான் போங்க...

இருங்க இருங்க வீட்டுக்குள்ள என்னமோ ரகளை நடக்குது... என்னனு ஒட்டு கேப்போம்... (நமக்கு தான் ஓட்டு கேக்கரதுன்னா ரெம்ப பிடிக்குமே...ஹி ஹி ஹி)

"என்னங்க"

"ம்"

"என்னங்க"

"ம்"

"உங்களத்தானே..."

"ம்"

"கடைந்த மோரிலே குடைந்து வெண்ணெய் எடுக்கிறதுனு ஒரு பழமொழி சொல்லுவாங்க... அது கூட செஞ்சரலாம்.... உங்ககிட்ட ஒரு பதில் வாங்க முடியுதா"

"என்னமா சொல்லு? கேட்டுட்டு தான் இருக்கேன்"

"என்ன? கேட்டுட்டு இருக்கீங்களா? நான் என்ன சொன்னேன்னு திருப்பி சொல்லுங்க பாப்போம்?"

"அதுவா... பாப்போம் சொல்லுங்க திருப்பி சொன்னேன்னு என்ன நான். கரெக்ட்ஆ?"

"என்ன ஒளர்றீங்க?"

"நீ தானே நீ சொன்னத திருப்பி சொல்ல சொன்ன... அதான் ஒரு ஒரு வார்த்தையா திருப்பி சொன்னேன்"

"அட ராமா" னு தலைல கை வெச்சுட்டு உக்காந்துடாங்க தங்கமணி

"ஸ்ரீராமா தெரியும், பலராமா கூட தெரியும்... அது யாரு தங்கம் அட ராமா?"

"ம்...எங்க அப்பா?" என்றார் தாங்க்ஸ் பல்லை கடித்து கோபத்தை அடக்கியபடி

"ஓ... அப்படியா.... ஆனா உங்க அப்பா பேரு தண்டபாணி ஆச்சே? ஒருவேளை சுருக்கி செல்லமா அடராமானு சொல்லுவீங்களா?"

"தண்டபாணிய எப்படி அடராமானு சுருக்க முடியும்?"

"அதானே... எப்படி முடியும்? அப்புறம் எப்படி உங்க வீட்டுல இப்படி எல்லாம்? சரி விடு உங்க குடும்பமே ஒரு மாதிரி தான்னு தெரிஞ்சுது தானே"

"இங்க பாருங்க... பேச்சை மாத்தாதீங்க? அப்போ நான் என்ன சொன்னேன்னு இப்போ சொல்ல போறீங்களா இல்லையா?"

"அப்போனா எப்போ... இப்போவுக்கு முன்னாடி அப்போவா... அப்போவுக்கு முன்னாடி அப்போவா"

"ஈஸ்வரா........." என மறுபடியும் தாங்க்ஸ் தலையில் கை

"அது யாரு? ஓ... உங்க சித்தப்பா சண்முகத்தோட சுருக்க பேரா"

"வேண்டாம்... கோவத்த கிளறாதீங்க... நான் மனுசியா இருக்க மாட்டேன்"

"நீ கோவம் வந்தா உண்மை எல்லாம் பேசற தங்கம்.. ஐ லைக் இட் யு நோ"

"முருகா... அந்த கீழப்பட்டி வரனுக்கே நான் சரின்னு சொல்லி இருக்கலாம்... இப்படி எல்லாம் படணும்னு இருக்கறப்ப விடுமா விதி" என்று தாங்க்ஸ் பிளாஷ்பாக் எல்லாம் இழுத்து மூக்கு உறிஞ்ச

"யாரு... கீழ்பாக்கம் வரனா... பொருத்தம் தான்"

"அது கீழ்பாக்கம் இல்ல... கீழப்பட்டி... காதும் போச்சா?"

"ஹி ஹி... காது எல்லாம் ஒகே தான். அந்த கீழப்பட்டிக்காரன் சிக்கி இருந்தா கீழ்ப்பாக்கத்துக்கு தானே வந்து சேந்துருப்பான்... அதை தான் சிம்பாலிக்கா சொன்னேன்" என ரங்கமணி இல்லாத காலரை தூக்கி விட்டுக் கொள்ள

"ஆஹா... ரெம்ப மேதாவின்னு நெனப்போ உங்களுக்கு"

"ச்சே ச்சே ... மேதாவியா இருந்துருந்தா அந்த மேலபட்டிகாரியவே கரெக்ட் பண்ணி இருப்பனே.....ஹும்" என ரங்கமணியும் தாங்க்ஸ் ஸ்டைலிலேயே பெருமூச்சு விட

"நான் என்ன சொன்னேன் அதை மொதல்ல சொல்லிட்டு அப்புறம் மத்தது பேசுங்க"

ரங்கமணி மனதிற்குள் (ஆஹா... இன்னிக்கி விட மாட்டா போல இருக்கே) "அதான் சொன்னேனே...பாப்போம் சொல்லுங்க திருப்பி........"

"போதும் உங்க மொக்கை... அதுக்கு முன்னாடி என்ன சொன்னேன்? அதை சொல்லுங்க"

"என்ன நீ? பிரகாஷ்ராஜ் ஏதோ படத்துல கேக்கற மாதிரி... அதுக்கு முன்னாடி அதுக்கு முன்னாடின்னு மெரட்டற"

"காட்டை வெட்டிச் சாய்த்தவனுக்குக் கம்பு பிடுங்கப் பயமா? னு பழமொழி... அது மாதிரி தப்பு பண்ணினதும் இல்லாம இப்போ நான் மெரட்டறேனு பழி போடறீங்களா"

"என்னது தப்பா? என்னமோ பேங்க் robbery மாதிரி பேசறே தங்கம்..... யாராச்சும் கேட்டா வம்பாய்டும்"

"உங்கள திருத்தவே முடியாது"

"நான் என்ன பரிச்ச பேப்பர்ஆ திருத்தறதுக்கு"

தங்கமணி எக்கசக்க டென்ஷன் ஆகி எழுந்து போக

"தங்கம்... நீ போ வேண்டாங்கல... அதுக்கு முன்னாடி என்ன சொன்னேன்னு நீயே சொல்லிட்டு போயேன்.... க்ரைம் ஸ்டோரி கடைசி பக்கத்த கிழிச்ச மாதிரி சஸ்பென்ஸ் வெச்சா எப்படி?"

"ம்ம்ம்....என்னவா? அதுக்கு முன்னாடி நான் ஒண்ணுமே சொல்லல... நான் பேசறத நீங்க கவனிக்கரீங்களானு சும்மா டெஸ்ட் பண்ணத்தான் அப்படி கேட்டேன்" என்று விட்டு தங்கமணி மின்னலாய் மறைய

"அடிப்பாவி... ஒண்ணுமில்லாமையே ஒரு மணி நேரம் அதுக்கு முன்னாடி அதுக்கு முன்னாடின்னு உசுர வாங்குனியா... ஹும்... எப்படி எல்லாம் பிளான் பண்றாங்கப்பா" னு ரங்கமணி ரங்காராவ் மாதிரி தலைல துண்ட போட்டுட்டு உக்காந்துட்டார்

(அப்புறம் நமக்கு என்ன வேல அங்க... அடுத்த சீனுக்கு வரலாம் வாங்க.... ஹி ஹி ஹி)

பின் குறிப்பு: எத்தனை நாளைக்கி தான் யாரோ உருவாக்கின கேரக்டர் வெச்சே மொக்கை போடறது. அதுவும் இல்லாம அந்த ஜாம்பவான்கள் எல்லாம் எத்தனையோ ஆசையோட லட்சியத்தோட அந்த கதாபாத்திரங்கள உருவாக்கி இருப்பாங்க... நாம ஏன் வம்பு பண்ணனும்

அதான் நானே "தங்கமணி ரங்கமணி" னு உருவாக்கிட்டேன்... (இதெல்லாம் கொஞ்சம் ஓவர்னு உனக்கே தோணல. பெரிய ஆராய்ச்சி பண்ணி கிழிச்ச மாதிரியே பேசறாளே - mindvoice )

You never know ... நாளைக்கே (நாளைக்கேனா tomorrow இல்லங்க பிற்காலத்தில்னு அர்த்தம்...) அப்புசாமி சீதா பாட்டி மாதிரி புகழ் பெறலாம் இந்த கேரக்டர்ஸ் (இந்த மேட்டர் அவங்களுக்கு தெரியுமா - mindvoice )

கணேஷ் வசந்த்ஐ வெச்சு நம்ம பொற்கொடி (no offense Porkodi) கதை எழுதினா மாதிரி பின்னாடி ஒரு வெள்ளி கொடியோ இல்ல ஒரு தாமிர கொடியோ வந்து நம்ம followers ஆகலாம் (ஐயோ... போதும் தாயே... - mindvoice )

இன்னொரு மேட்டர்.... இந்த பதிவு சிரிக்க மட்டும் (அப்படியா ...சரி... ஹி ஹி ஹி - mindvoice ) அதாவது சிந்திக்க இல்லைன்னு சொல்ல வந்தேன்

நீ என்னமோ இதுவரைக்கும் NSK ரேஞ்சுல தினமும் சிந்திக்க பதிவு போட்ட மாதிரி என்னாத்துக்கு இப்போ அலப்பறைனு கேக்கரீங்களோ...  (இது தான் Self-Realisation ஓ - mindvoice)

என்னங்க செய்ய? "சட்டில இருந்தா தானே அகப்பைல வரும்".... ஹும்..... ஆஹா இந்த தங்கமணி கேரக்டர் ரெம்பவே influence பண்ணுதே... பழமொழி சரவெடியா வருதே...
 
சரி விடுங்க... ஆனா ஒரு விசயம்.... இனி அடிக்கடி உங்க ஸ்டடி ரூம் தேடி வருவார்கள்  "தங்கமணி ரங்கமணி" . அதாவது நீங்க கம்ப்யூட்டர்ஐ அங்க வெச்சிருந்தா....
 
 (நோ நோ கம்ப்யூட்டர் எல்லாம் தூக்கி போட்டு ஓடைக்க கூடாது... என்ன பிரச்சனைனாலும் பேசி தீத்துப்போம்...)

Thursday, July 22, 2010

அதே கண்கள்... சஸ்பென்ஸ் த்ரில்லர்... (பகுதி 4)




பகுதி 1 பகுதி 2 பகுதி 3

அதே நேரம், ஊமையன் போல் இருந்தவன் அந்த receptionist ஆசாமியிடம்

"என்ன சார்? அந்த ரூம் வாடகைக்கி விட்டுடீங்க.... முதலாளிக்கு தெரியுமா?"

"நீ சும்மா இரு மாரிமுத்து. முதலாளிக்கி தெரியாது.... இதுக ஏதோ வெளியூர் பார்ட்டி போல இருக்கு.... இங்க நடக்கற விசயம் எல்லாம் தெரியாதுன்னு நினைக்கிறேன்.... இநத வாடகை கணக்குல காட்டாம நாம பங்கு போட்டுக்கலாம்... என்ன சொல்ற?" என நயமாய் பேச

"நீங்க சொல்றப்ப கேக்க நல்லாத்தான் இருக்கு.... ஆனா ...." என இழுக்க

"ஒண்ணும் ஆகாது... நீ சும்மா இரு..." என பேச்சுக்கு முற்று புள்ளி வைத்தான்

_____________________

அதே நேரம்..... இரு கண்கள் அந்த ஹோட்டல் வாசலில் நின்று வெறித்து பார்த்து கொண்டு இருந்தது....

______________________

"சுமி... வீட்டுக்கு ஒரு போன் பண்ணிடலாம் மொதல்ல" என்றான் சூர்யா

"ம்.. சரிங்க" எனவும் தன் செல்போன்ஐ எடுக்க பாக்கெட்ல் கை விட அது காலியாக இருந்தது...

"இங்க தானே வெச்சேன்..." என மற்ற பாக்கெட்களையும் பார்த்தவன்

"ம்....காணோமே...சுமி... உன்னோட போன்ல இருந்து கால் பண்ணு... ரிங் ஆகுதான்னு பாப்போம்"

அவள் எண்களை அழுத்த எங்கும் சத்தம் வரவில்லை

"ஒருவேள கார்ல வெச்சுட்டேன்னு நினைக்கிறேன்... சரி உன்னோட போன்ல ஊருக்கு பேசிக்கலாம். அப்புறம் எடுத்துக்கலாம்" எனவும்

"என்னோட போன் பாட்டரி ஏற்கனவே கத்திகிட்டே இருக்கு பாருங்க... சார்ஜர் கொண்டு வர மறந்துட்டேன். அஞ்சு நிமிஷம் கூட பேச முடியாது.. பேசாம நீங்க காருக்கு போய் உங்க போன் எடுத்துட்டு வந்துடுங்க. அதுக்குள்ள நான் ஒரு குளியல் போடறேன்... "

"ம்... நான் வேற ஒரு ஐடியா சொல்லட்டுமா..." என்றவன் குறும்பு பார்வையுடன் அவள் காதில் ஏதோ சொல்ல...

சிவந்த முகத்தை மறைத்தவள் "ஒண்ணும் வேண்டாம்... நீங்க போயிட்டு வாங்க சார்... " என அவனை விரட்டினாள்

"சுமி... சாப்பிட எதுனா வாங்கிட்டு வரட்டுமா...இல்ல அப்புறமா ரூம் சர்வீஸ் ஆர்டர் பண்ணிக்கலாமா"

"ம்... வாங்கிட்டே வந்துடுங்க... அப்புறம் ஆர்டர் பண்ணி நேரம் ஆகும்... குளிருக்கு இப்பவே பசிக்குது... "

"ஒகே சுமி... வாங்கிட்டே வந்துடறேன்... கதவ சாத்திக்கோ" எனவும் அதுவரை மற்றதை மறந்து இருந்தவள் சட்டென முகம் மாறினாள்

"ம்..." என்ற ஒற்றை சொல்லில் கணவனுக்கு விடை கொடுத்தாள்

அவள் கதவை சாத்தி சூர்யா இரண்டு அடி நகர்ந்ததும் சுமேதாவின் செல் பேசி அலறியது

_______________

திரும்பி வந்த சூர்யா அறை திறந்து கிடந்ததை கண்டதும் "சுமி...சுமி... "என அழைக்க பதில் இல்லாமல் போக குளியல் அறை பால்கனி எல்லா பக்கமும் தேடியவன் எங்கும் அவளை காணாமல் தன் செல்போன் எடுத்து அவள் செல்போனுக்கு அழைக்க "The subscriber you are trying to reach is on another call" என்றது ஒரு பெண் குரல்

தனக்கு தான் அழைக்க முயல்கிறாளோ என தோன்ற கட் செய்து காத்திருக்கலானான்

நிமிடங்கள் கரைய கரைய பயம் சூழ்ந்தது சூர்யாவிற்கு

அறைக்கு வெளியே வந்து சுற்றும் முற்றும் தேடினான். எங்கும் நிசப்தமாய் இருக்க அந்த அமைதி மனதில் கிலியூட்டியது

அறையை பூட்டியவன் விரைந்து reception க்கு வந்தான்

"Excuse மீ... என்னோட wife இந்த பக்கம் போனதை பாத்தீங்களா?" என கேட்டான்

"இல்ல சார்... நான் சாப்பிட போயிட்டு இப்ப தான் வந்தேன்... என்னாச்சு சார்? எதாச்சும் problemஆ?" என்றான் reception ஆசாமி

புது மனைவியுடன் சண்டையோ என்ற சந்தேகம் தெனித்தது அவன் குரலில்

அந்த கேள்வி தன் சுய மரியாதையை தீண்ட சூர்யா சமாளித்தான்

"இல்ல... நான் காருக்கு போயிட்டு வந்தேன்... அவ ரூம்ல இல்ல...
ஒரு வேள என்னை தேடி கார் பார்கிங் போய் இருப்பானு நினைக்கிறேன். போய் பாக்கறேன்" என்றவன்

அப்படியும் இருக்கலாம் தானே, அதை யோசிக்கவில்லையே என தன்னையே கடிந்து கொண்டவன் கார் நிறுத்தி இருந்த இடத்தை நோக்கி விரைந்தான்

அங்கேயும் அவளை காணாமல் மறுபடியும் அவள் செல்போனுக்கு அழைக்க "The subscriber you are trying to reach is currently switched offl" என்றது

என்ன செய்வதென புரியாமல் மறுபடியும் அறைக்கு விரைந்தான் , தன்னை தேடி விட்டு மீண்டும் அறைக்கு சென்று இருப்பாள் என்ற நம்பிக்கையில்

அங்கேயும் ஏமாற்றமே மிஞ்சியது சூர்யாவிற்கு

அந்த ஹோட்டல் இருக்கும் தெருவில் அந்த பக்கமும் இந்த பக்கமும் இலக்கின்றி சுற்றினான். நடுநடுவே அவள் செல்பேசிக்கு அழைக்க முயன்று "switched off " என்றே வந்ததும் சோர்ந்து போனான்

ஒரு மணி நேரத்திற்கும் மேல் அப்படியே சுற்றியவன் மீண்டும் வந்திருப்பாள் என்ற நப்பாசையுடன் அறைக்கு சென்றவன் அவளை காணாமல் பயத்தில் கண்களில் நீர் கோர்த்தது

ஏதேனும் விபரீதமாய் ஆகி இருக்குமோ என்று அப்போது தான் மனதிற்கு உறைத்தது

அதற்கு மேலும் தாமதிப்பது தவறு என தோன்ற reception சென்றவன்

"என்னோட மனைவிய காணோம்.... போலீஸ்ல ரிப்போர்ட் பண்ணனும்... லோக்கல் போலிசை கூப்பிடுங்க" என்றான் கலங்கிய கண்களுடன்

அதை கேட்டதும் reception ஆசாமி நடுங்கினான்

முதலாளிக்கு தெரியாமல் அந்த அறையை வாடகைக்கு விட்டவன் போலிசை அழைத்தால் தன் வேலையே போய் விடுமென்பது உறைக்க "என்ன சார்... எங்க போய்ட போறாங்க... இங்க தான் எங்கயாச்சும் இருப்பாங்க... இருங்க தேடி பாப்போம்... "என சமாளிக்க முயன்றான்

"இல்ல மிஸ்டர்... எல்லா பக்கமும் தேடிட்டேன்... எங்கயும் காணோம்... போலிசை கூப்பிடுங்க ப்ளீஸ்... delay பண்ண பண்ண ரிஸ்க் தான்" என்றான் சூர்யா பதட்டத்துடன்

"அது இல்ல சார்..." என அந்த ஆள் ஏதோ சொல்ல முயல

"இப்ப நீங்களே கூப்பிடறீங்களா இல்ல நான் 100 டயல் பண்ணட்டுமா?" என சூர்யா கோபமாய் கேட்க

"கூப்பிடறேன் சார்... " என்றவன் அதற்கு மேல் தாமதிக்காமல் அருகில் இருந்த காவல் நிலையத்திற்கு அழைத்தான்

_________________

பூட்ஸ் சத்தம் அதிர உள்ளே நுழைந்த காவல் அதிகாரி "மிஸ்டர் கண்ணன்... உங்க ஹோட்டல்ல மாசத்துகொரு கேஸ்... இதே வேலையா போச்சா?" என்றார் reception ஆசாமியிடம்

கண்ணன் எதுவும் பேசாமல் பயந்து நிற்க

"யாரோ தங்கி இருந்தவங்க காணோம்னு சொன்னீங்க இல்லையா... அவங்க கூட இருந்தது யாரு?" என்ற கேள்வியை இன்ஸ்பெக்டர் முடிக்கும் முன்

"அது நான் தான் சார்... என் பேரு சூர்யா... என்னோட wife சுமேதாவை காணோம்" என்றான்

"மிஸ்டர் சூர்யா... நீங்க இருந்த ரூமை நான் பாக்கணும்... வாங்க போலாம்... எந்த ரூம்" எனவும்

"ரூம் நம்பர் 13 சார்" என சூர்யா கூற

"என்னது... ????" என்று அதிர்வுடன் நின்றார் இன்ஸ்பெக்டர்

"ஏன்யா...அந்த மூணு கேசும் முடியற வரை அந்த ரூமை யாருக்கும் வாடகைக்கு விட வேண்டாம்னு சொன்னது மறந்து போச்சா" என இன்ஸ்பெக்டர் எகிறினார் receptionist கண்ணனிடம்

"சார்...அது வந்து சார்... " என கண்ணன் உளற

அதுவரை எதுவும் பேசாமல் இருந்த சூர்யா பதறியவனாய் "என்ன சார்... என்ன கேஸ்? ப்ளீஸ் டெல் மீ" என்றான்

"மிஸ்டர் சூர்யா ... அந்த 13 ம் நம்பர் ரூம்ல கடந்த மூணு மாசத்துல மூணு பேரு மர்மமான முறைல இறந்து போய் இருக்காங்க... அதுக்கு என்ன காரணம்னு இன்னும் investigation நடந்துட்டு இருக்கு...இது தெரியாம நீங்க அந்த ரூம்ல தங்கி இருக்கீங்க... பாத்தா படிச்சவர் மாதிரி இருக்கீங்க... நியூஸ் எல்லாம் பாக்கறதில்லையா?"

"ஐயோ... என்ன சார் சொல்றீங்க... ? நான் இந்த ஊர் இல்ல... இந்த நியூஸ் நான் எதுலயும் பாக்கலையே... ஐயோ... இப்ப என்ன செய்வேன்...சுமி... எங்க இருக்க நீ" என கிட்டத்தட்ட அழும் நிலைக்கு தயாரானான்

"காம் டௌன் மிஸ்டர் சூர்யா... லெட்ஸ் ஹோப் நத்திங் பாட் happened " என மனித நேயத்துடன் அவனை சமாதானம் செய்தார் அந்த காவல் துறை அதிகாரி

___________

சுமேதா என்ன ஆனாள்...?

விடை யாரிடம்... ?

அதே கண்களிடமா....?

பொறுத்திருந்து பார்ப்போம்...............

அடுத்த பகுதி - பகுதி 5 படிக்க - இங்கே கிளிக்கவும்


(தொடரும்...)

Saturday, July 17, 2010

Serendipity...



Mindvoice - என்னது? சொரண்டிட்டு போய்டாங்களா? ஐயோ.... யாரு? என்ன ஆச்சு?

அப்பாவி - ஆண்டவா... வர வர இந்த mindvoice தொல்லை ரெம்ப ஓவரா போய்டுச்சு... எந்த அளவுக்கு ஓவர்னா... நான் பதிவுக்கு டைட்டில் எழுதிட்டு மூச்சு விடறதுகுள்ள கமெண்ட் போடற அளவுக்கு ஓவரா போச்சு...

Mindvoice - கம் டு தி பாயிண்ட் அப்பாவி... சொரண்டிட்டு போய்டாங்கன்னு எதுக்கு சொன்ன?

அப்பாவி - அடக்கொடுமையே... அண்ணாமலை படத்துல ஜனகராஜ் சொன்ன "நாசமாநீபோனியா" மாதிரி இருக்கு உன்னோட ஒளறல்

Mindvoice - ஹி ஹி ஹி

அப்பாவி - போதும் போதும் ரெம்ப அசடு வழியுது... சரி சரி நான் என்னோட ப்ளாக் friends கூட நெறைய பேச வேண்டி இருக்கு... நீ மொதல்ல எடத்த காலி பண்ணு

Mindvoice - ப்ளீஸ் ப்ளீஸ், நானும் அப்படியே ஒரு ஓரமா மூலைல இருந்துக்கரனே..

அப்பாவி - மூலைல இருந்துக்கறேனுவ...அப்புறம் முந்திரி கொட்டை மாதிரி முன்னாடி முன்னாடி வந்து கமெண்ட் அடிப்ப... இருக்கற கொஞ்ச நஞ்ச இமேஜையும் காலி பண்ணுவ...

Mindvoice - இமேஜா... ஹையோ ஹையோ... உனக்கு எப்ப பாரு ஒரே ஜோக் தான்...

அப்பாவி - பாத்தியா ... இதை தான் சொன்னேன்... அதெல்லாம் சரி வராது... இப்ப நீ எடத்த காலி பண்ண போறியா இல்ல நான் இட்லி செய்யட்டுமா...

Mindvoice - (மின்னலென மறைகிறார்...)

அப்பாவி - அப்பாடா... தொலஞ்சது... சரி இனி மேட்டர்க்கு போவோம்

Serendipity னா அந்த ஞானசூனியம்  Mindvoice சொன்ன மாதிரி "சொரண்டிட்டு போய்டாங்களா" எல்லாம் இல்லிங்க

இந்த வார்த்தைக்கான அர்த்தம் எனக்கு மொதலே தெரியும்னாலும் சமீபத்துல ஆனந்தவிகடன்ல "ஹாய் மதன்" பகுதில இந்த வார்த்தைக்கு கவிதையா ஒரு விளக்கம் பாத்தப்ப அதை ஏன் ஒரு தொடர் பதிவா நான் ஆரம்பிக்கக்கூடாதுன்னு தோணுச்சு

உனக்கு மட்டும் ஏன் இப்படி விபரீதமா தோணுதுனெல்லாம் கேட்டா நான் அப்புறம் அழுதுடுவேன் ஆமா... ஹும்...

சரி, அந்த வார்த்தைக்கு அர்த்தம் என்னனா...

Mindvoice - மக்களே, எல்லாரும் போயிட்டு நாளைக்கி வாங்க... இந்த பொண்ணு எப்படியும் இன்னிக்கி அந்த வார்த்தைக்கு அர்த்தம் சொல்லாது... இப்படியே மொக்கை போட்டுட்டே தான் இருக்கும்...

அப்பாவி - நீ ஆரம்பிச்சு வெச்ச பதிவு தானே... அப்படி தன் இருக்கும்...

Mindvoice - நான் ஆரம்பிச்சதால தான் மொக்கையாச்சும் போடற... இல்லைனா ஹையோ ஹையோ...

அப்பாவி - இந்த பூரிக்கட்டை எங்க?

Mindvoice - ஐ... எனக்கு பூரி சுட்டு தர போறியா?

அப்பாவி - இல்ல... உன்னையே நாலு தட்டு தட்டி பூரி மாதிரி வீங்க வெக்கலாம்னு இருக்கேன்...

Mindvoice - மீ எஸ்கேப்... (இனி உங்கள இவ கிட்ட இருந்து அந்த ஆண்டவன் கூட காப்பாத்த முடியாது...ஹி ஹி ஹி)

அப்பாவி - அதை கண்டுக்காதீங்க... எங்க விட்டேன்? ஆங்.... அந்த வார்த்தைக்கு ஹாய் மதன் குடுத்து இருந்த அர்த்தம் என்னனா "எதிர்பாராமல் நிகழ்ந்த மகிழ்ச்சியான விபத்து"

சொல்றதுக்கே அழகா இருக்கு இல்லைங்களா... நான் சொன்ன மாதிரி அப்படியே கவிதை மாதிரி அழகான விளக்கம் தானே

சரி, விசியத்துக்கு போவோம்...

இப்போ... என்னோட வாழ்க்கைல "எதிர்பாராம நடந்த மகிழ்ச்சியான விபத்து" என்னனு சொல்றேன்

வேற என்னங்க? ப்ளாக் எழுத வந்தது தான்...நீங்க வேற ஏதோ சொல்வேன்னு நெனச்சீங்கன்னு எனக்கு தெரியும்... ஹா ஹா ஹா... நீங்க நெனைக்கறதயே நான் சொன்னா என்ன ஸ்வாரஷ்யம் இருக்கு...

எப்பவும் யாரும் எதிர்பாக்காதாதா சொல்றது செய்யறது தான் இந்த அப்பாவியோட trademark ... ஹி ஹி ஹி

ஒகே ஒகே டென்ஷன் ஆகாதீங்க...

இந்த ப்ளாக் எழுத வந்த விபத்து பத்தி சொல்லணும்னா.... இந்த சரித்திரம் பதிமூணாம் நூற்றாண்டுல எல்லாம் தொடங்கலைங்க... ஏன்னா என்னோட கொள்ளுதாத்தாவோட கொள்ளுதாத்தாவோட கொள்ளுதாத்தாவோட கொள்ளுதாத்தாவோட கொள்ளுதாத்தாவோட கொள்ளுதாத்தாவோட கொள்ளுதாத்தாவோட கொள்ளுதாத்தாவோட கொள்ளுதாத்தாவோட கொள்ளுதாத்தாவோட கொள்ளுதாத்தாவோட கொள்ளுதாத்தாவோட கொள்ளுதாத்தாவோட கொள்ளுதாத்தாவோட கொள்ளுதாத்தாவோட கொள்ளுதாத்தாவே அப்போ பொறக்கல .... ஹி ஹி ஹி... வொய் டென்ஷன்... நோ டென்ஷன்...

enough மொக்கை... மீ going டு மேட்டர்...

2009 தொடக்கம் வரைக்கும் எனக்கு ப்ளாக்னா என்னனே தெரியாது (தெரியாமையே இருந்து இருக்கலாம்னு நீங்க பீல் பண்றது எனக்கு புரியுது... ஆனா விதி யார விட்டது...)

ஒரு நாள் நல்ல பேய் மழை அப்படினெல்லாம் ஆரம்பிக்கறதுக்கு இதென்ன terror ஸ்டோரியா?... நோ நோ... இது ஒரு தேவதை பத்தின கதை... ஹி ஹி... நான் தான் அது... ஒகே ஒகே... மீ ஸ்டாப் நௌ...

Casual ஆ ஒரு நாள் பொழுது போகாம.... ஒகே ஒகே ஒத்துக்கறேன் வெட்டியா இருந்தப்ப...  எதாச்சும் படிக்கலாம்னு கூகிள் ஆண்டவர் கிட்ட வேண்டிட்டு (தேடிட்டு) இருந்தப்ப ஒரு சூப்பர் ப்ளாக் லிங்க் கெடைச்சது...

அவங்களை உங்களுக்கும் தெரிஞ்சு இருக்கலாம்... அவங்க பேரு "இம்சை அரசி". பேரு பாத்ததும் செம catchy யா இருந்ததா... உள்ள போனேன்...

உண்மைய சொல்லணும்னா அது ப்ளாக்னு கூட எனக்கு தெரியாது... என்னமோ பத்திரிக்கை வெப்சைட்னு நெனச்சேன்...

தொடர்ந்து அவங்க பதிவுகள படிச்சுட்டு இருந்தேன். ரெம்ப நல்லா ஹாஸ்யமா இன்னும் பல விதமாவும் பதிவுகள் எழுதுவாங்க...

இதுல பெரிய கொடுமை என்னன்னா... அதுல கமெண்ட் போடறவங்களோட பேரை கிளிக் பண்ணினா அவங்க ப்ளாக்கு போலாம்னு கூட தெரியாதுங்கர அளவுக்கு நான் அப்பாவி

Mindvoice - அது அப்பாவிதனம் இல்ல கண்ணு... அறியாமை... மேல் மாடி காலிங்கறதை கூட எவ்ளோ அழகா சமாளிக்கறா பாருங்க...

அப்பாவி - Just ignore mindvoice ... இப்படி இம்சை அக்கா பதிவை மட்டும் படிச்சுட்டு சந்தோசமா இருந்த நேரத்துல... யாரு கண்ணு பட்டுச்சோ அவங்க பதிவு போடறதை ரெம்ப கொறச்சுட்டாங்க

Mindvoice - நீ படிக்க ஆரம்பிச்ச ராசி பாரேன்... ஹி ஹி ஹி

அப்பாவி - இட்லி தட்டு எங்க... இங்க தானே வெச்சேன்...

Mindvoice - (மறுபடியும் எஸ்கேப்...)

அப்பாவி - படிக்க பதிவு இல்லாம நொந்து போய் இருந்தப்ப தான் கமெண்ட்ல இருந்து மத்த ப்ளாக் லிங்க் புடிக்கலாம்ங்கறதை கண்டுபிடிச்சேன்... Necessity is the mother of invention னு சும்மாவா சொன்னாங்க...

Mindvoice (இனி கொஞ்ச நேரத்துக்கு அப்பாவிக்கு கேட்காத குரலில் ...) - என்ன கொடும சார் இது... என்னமோ தாமஸ் ஆல்வா எடிசன் ரேஞ்சுக்கு பேசறாளே...

அப்பாவி - அப்படியே மத்தவங்க ப்ளாக் எல்லாம் படிச்சுட்டு இருந்தப்ப ஒரு நாள்... ரங்க்ஸ்யுடைய friend ஒருத்தர் பொட்டி தட்டுறவர் தான்... அவர் கிட்ட இருந்து ரங்க்ஸ்க்கு ஒரு ஈமெயில் வந்தது

அதுல கவிதை எல்லாம் இருந்தது... எனக்கு இது எல்லாம் ரெம்ப பிடிக்கும்னு ரங்க்ஸ்க்கு தெரியும்... அதனால எனக்கு forward பண்ணினார்

"உங்க friend blogger ஆ?" னு ரங்க்ஸ் கிட்ட கேட்டேன்

"என்னது...?" னு வழக்கம் போல ஒரு indifferent லுக் குடுத்தார்

அப்புறம் நான் அவர்கிட்ட ப்ளாக் பத்தி எல்லாம் உப்பு புளி போட்டு விளக்கி சொன்னப்புறம் "நீயே ஏன் இப்படி ஒரு ப்ளாக் ஆரம்பிக்க கூடாது?" அப்படின்னு இதுக்கு வித்திட்டவர் சாட்சாத் ரங்க்ஸ் தான்...

Mindvoice - என்ன அழகா பழிய அவர் மேல போடறா பாருங்க... தக்குடு சொல்றாப்ல என்னா ஒரு வில்லத்தனம்? ஒரு வேளை இவ தொல்லை இல்லாம கொஞ்ச நேரம் நிம்மதியா இருக்கலாம்னு அப்படி engage பண்ணி விட்டாரோ என்னமோ... மனுஷன் ரெம்ப வெவரம் தான் போல...

அப்பாவி - உடனே... நானும் பிளாக்கர் ஹெல்ப் எல்லாம் ஒரு நாள் பூரா படிச்சு ப்ளாக் ஆரம்பிச்சேன்...

ஆரம்பிச்சு... "எனது முதல் பதிவு..." னு ஒரு கவிதை மே 28 2009 அன்னிக்கி எழுதி கடைய தெறந்து வெச்சுட்டு ஈ ஓட்டிட்டு இருந்தேன்... யாருமே வர்ல... ஹும்... ஒரே பீலிங்ஆ போச்சு...

(தமிழ்மணம்) பட்டை கிராம்பு எல்லாம் சேக்கணும்னு அப்போ எனக்கு தெரியாது...

சரி... போ... நம்ம இலக்கிய சேவை இந்த உலகத்துக்கு வேணாம் போல, உருப்படியா வீட்டுல ரங்க்ஸ்க்கு எலுமிச்ச சேவையாச்சும் செய்வோம்னு போயிட்டேன்...

மறுபடியும் ஒரு அல்ப ஆசை...

டிசம்பர் 30 2009 "இனிய புத்தாண்டு வாழ்த்துக்கள்" னு ஒரு பதிவு... அதுக்கு ஈ மட்டுமில்ல கொசு கரப்பு எல்லாம் ஓட்டினது தான் மிச்சம்... ஒரு கமெண்ட் வர்ல... சீ சீ இந்த பழம் புளிக்கும்னு ஓடிட்டேன்...

ஆனாலும் என்ன காரணம்னு தெரிஞ்சுக்கணும்னு மத்த ப்ளாக் எல்லாம் போய் விடிய விடிய படிச்சேன் ...

Mindvoice - பத்தாங்க்ளாஸ் எக்ஸாம்க்கு கூட இப்படி படிச்சு இருக்க மாட்டான்னு நெனக்கறேன்...

அப்பாவி - அப்படி தேடி தேடி படிச்சுட்டு இருந்தப்ப திடீர்னு ஒரு வெளிச்சம்...


Mindvoice - யாருப்பா ஹெட் லைட் போட்டது

அப்பாவி - அதாவது... ஒரு உண்மை புரிஞ்சதுன்னு சொல்ல வந்தேன்... அதை தான் symbolic ஆ அப்படி சொனேன்.. ஹி ஹி ஹி

Mindvoice - இவ சும்மா சொன்னாலே புரியாது... இதுல symbolic chimpanzepolic வேற... கஷ்டம் கஷ்டம்
 
அப்பாவி -  அந்த உண்மை என்னனா, சும்மா தத்துவம், தத்து பித்து கவிதை மட்டும் எழுதினா கல்லா கட்ட முடியாது... சிரிக்க வெக்கற மாதிரி ஹாஸ்ய பதிவுகள் தான் மக்களை ஈர்க்கும்னு புரிஞ்சது... அதுலயும் நம்ம வாழ்க்கைல நடந்த சம்பவங்கள் இன்னும் சிறப்புன்னு புரிஞ்சது...

நமக்கு தான் ஹாஸ்யம் கூட பொறந்ததாச்சே...

Mindvoice - தான் ஒரு காமெடி பீஸ்ங்கறதை எப்படி polished ஆ ஒத்துக்கறா பாருங்க...சத்தமா சொன்னா என்னை கொன்னே போடுவா... ஹி ஹி ஹி

அப்பாவி - அப்புறம் தான் "புதுசா கட்டிகிட்ட ஜோடியா இருந்தப்ப..." நடந்த ஒரு கிட்சன் காமெடிய எடுத்து உட்டேன்... February 22 2010 ... அப்புறம் ரெண்டு நிமிசத்துக்கு ஒரு தரம் refresh பண்ணி பண்ணி கமெண்ட் வந்துச்சா... கமெண்ட் வந்துச்சா... கமெண்ட் வந்துச்சா னு பாத்து பாத்து F5 button தேஞ்சு போனது தான் மிச்சம்...

ரங்க்ஸ் வேற ஒரே கிண்டல் "கமெண்ட் போட்டா காக்கா ஒண்ணும் தூக்கிட்டு போகாது. அப்புறம் பாக்கலாம். வந்து மொதல்ல டிபன் பண்ணும்மா"னு சொல்ற அளவுக்கு ஆகி போச்சு என்னோட நெலம

பதிவு போட்ட ரெண்டாவது நாள் Ashaனு ஒரு பதிவர் ஒரு கமெண்ட் போடாங்க... சொன்னா நம்ப மாட்டீங்க... எத்தனை வாட்டி அந்த கமெண்ட்ஐ நான் படிச்சேன்னு எனக்கே ஞாபகம் இல்ல... அத்தனை வாட்டி படிச்சேன்

ஆனா... என்ன காரணமோ அவங்க அதுக்கப்புறம் இந்த பக்கமே காணோம்

Mindvoice - மனுஷன் ஒரு வாட்டி தான் கெணத்துல விழுவான், மறுபடி மறுபடி செய்வாங்களா...ஹா ஹா ஹா

ரங்க்ஸ் கிட்ட ஒரே பெருமை "பாத்தீங்களா... கமெண்ட் வந்துடுச்சு"னு பந்தா பண்ணினேன்

அதுக்கு ரங்க்ஸ் "என்னமோ சாஹித்யா அகாடமி விருது வாங்கின ரேஞ்சுக்கு நீ பீல் பண்றது சரியா படல..."னு கிண்டல்

எனக்கு காதே கேக்கல அதெல்லாம்... அந்த போஸ்ட்க்கு மொத்தம் 11 கமெண்ட் வந்தது...

என்னை பொறுத்த வரை அது தான் நான் ப்ளாக் ஆரம்பிச்ச நாள்னு கணக்கு...அதுக்கப்புறம் நெறைய பதிவுகள் போட்டாச்சு...

இந்த ப்ளாக் மூலமா நெறைய நண்பர்கள் கெடைச்சு இருக்காங்க...

நல்லா எழுதினா பாராட்றதும்... சரி இல்லைனா "என்ன இது?"னு திருத்தறதும் சந்தோசமான பகிர்வுகள்...

அதுக்கு இந்த நேரத்துல உங்க எல்லாருக்கும் "ரெம்ப ரெம்ப நன்றி"

பதிவை முடிக்கறதுக்கு முன்னாடி ஒரு கொசுறு தகவல்

இந்த Serendipity ங்கற வார்த்தைய நான் மொதல்ல கேட்டது அந்த பேருல ஒரு இங்கிலீஷ் படம் பாத்தப்ப தான்...அந்த படம் ஒரு ஸ்வாரஷ்யம்...

ஒரு ஆண் ஒரு பொண்ண சந்திக்கறான்... கண்டதும் காதல் மாதிரின்னு வெச்சுகொங்களேன். மறுபடியும் எப்போ பாக்கலாம்னு கேக்கறான், போன் நம்பர் கேக்கறான். அந்த பொண்ணு கொஞ்சம் பிகு பண்றா. பக்கத்துல இருந்த ஒரு கடைல என்னமோ பொருள் வாங்கிட்டு அதுக்கு குடுக்கற காசுல தன்னோட போன் நம்பர் எழுதி குடுத்துட்டு ஹீரோ கிட்ட சொல்றா "நாம சந்திக்கணும்னு விதி இருந்தா இந்த டாலர் நோட்டு உன்னோட கைக்கு கெடைக்கும்...அப்போ நீ எனக்கு போன் பண்ணு... நாம சந்திப்போம்"னு சொல்லிட்டு போய்டறா... அந்த பணம் அவன் கைல கெடைக்குதா அவர்கள் இணைகிறார்களா அதான் மிச்ச கதை...

என்னங்க எங்கயோ கேட்ட மாதிரி இருக்கோ... வேற எங்க... இத்தன அழகான fantasy கதைய நம்ம தமிழ் directors விட்டுடுவாங்களா என்ன... ஹா ஹா ஹா

2001 ம் வருஷம் வந்த இந்த ஆங்கில படம் 2003 ம் வருஷம் "ஜே ஜே..." ங்கற பேர்ல தமிழ்ல வந்தது... மாதவன் / அமோகா நடிச்சது... ஒரு வேளை இதை முறையா காப்பிரைட்ஸ் வாங்கியும் எடுத்து இருக்கலாம்... எனக்கு முழு விவரம் தெரியல... அதனால நான் கிண்டல் பண்றது ஞாயம் இல்ல Sorry... உங்களுக்கு தெரிஞ்சா சொல்லுங்க

(இந்த இங்கிலீஷ் டு தமிழ் காப்பி படங்கள் பத்தியே ஒரு பதிவு எழுதி வெச்சு இருக்கேன்... அதுல இன்னொரு ஸ்வாரஷ்யம் தமிழ் டு இங்கிலீஷ் ஆன படம் ஒண்ணும் பாத்தேன்...அதை அப்புறம் சொல்றேன்...)

ஓ... இது தொடர் பதிவு இல்ல... மறந்தே போயிட்டேன்... யாரையாச்சும் தொடர கூப்பிடணும் இல்லையா...

நான் தொடர் பதிவு எழுதினாலும் யாரையும் தொடர கூப்பிடறது இல்லைன்னு என்மேல ஒரு சிலர் FIR போட்டதா மேலிடத்து தகவல் வந்தது... ஹி ஹி ஹி

அதனால இப்போ கூப்பிடபோறேன்... யாரை கூப்பிடறது? ஹும்... ஒரு வித்தியாசமான முறைல ஆள் புடிச்சா என்னனு தோணுது...

Mindvoice - புள்ள புடிக்கற ரேஞ்சுலியே பேசறாளே...

அப்பாவி - அதனால புதுசா ஒரு ஐடியா தோணுது... என்னோட முதல் தொடர் பதிவான "பொண்ணு பாக்க போறோம்" ல மொதல் அஞ்சு கமெண்ட் போட்டவங்கள இதுக்கு தொடர கூப்பிடலாம்னு இருக்கேன்... என்ன? எப்படி என்னோட ஐடியா?

Mindvoice - எப்படி இப்படி எல்லாம்? கமெண்ட் போட்டுட்டே யோசிப்பாளோ.... ஹும்...

ஒகே... முதல் தொடர் பதிவுக்கு மொதல் அஞ்சு கமெண்ட் போட்டவங்க இவங்க தான்:-

சட்டு புட்டுன்னு தொடர் பதிவை போடுங்கப்பா... தலைப்பு "என்னுடைய வாழ்வில் எதிர்பாராமல் நிகழ்ந்த மகிழ்ச்சியான விபத்து"

1 . பொற்கொடி (மொதல் நாலு கமெண்ட்ம் அம்மணி தான் ... ஆனாலும் ஒரு என்ட்ரி தன் இந்த நேரத்துல கணக்கு... ஹா ஹா ஹா)

2 . புதுகை தென்றல்

3 . தாராபுரத்தான்

4 . பத்மா

5 . அனன்யா மகாதேவன்

பொதுமன்னிப்பு கோரிக்கை:
1 . அனன்யா அழைத்த "பிடித்த ஐந்து பாடகர்கள்" தொடர் பதிவு (ஆமாங்க ரெம்ப நாள் ஆச்சு...சாரி அனன்யா)

2 . சுசி அழைத்த "கடவுளும் நானும்" தொடர் பதிவு (இதுவும் கூட நாளாச்சுங்க...சாரி சுசி)

3 . சுசி அழைத்த recent தொடர் பதிவு "அப்பாவியின் ஆர்டர்"

இது மூணும் சீக்கரம் போட்டுடறேன்... அதுவரை பொருத்தருள்க... லேட் பண்றதுக்கு பொது மன்னிப்பும் கேட்டுக்கறேன்

Mindvoice - பதிவு போட்டதுக்கப்புறம் சொல்ல வேண்டிய "பொருத்தருள்க" வை இப்போ எதுக்கு சொல்றா...ஹா ஹா ஹா...

அப்பாவி - ஏய் mindvoice நீ இன்னும் இங்கதான் இருக்கியா...? பூரி கட்டை இட்லி தட்டு ரெண்டும் எடுக்கறேன் இரு...

Mindvoice - ஐயயோ... சத்தமா சிரிச்சுட்டேன் போல இருக்கு... அப்பாவிக்கு நான் இருக்கற இடம் தெரிஞ்சு போச்சு... என்னை நான் காப்பாத்திக்கறேன்... உங்கள நீங்க காப்பாத்திகொங்க... மீ ஜூட்....

அப்பாவி - டாட்டா... bye bye ... அப்புறம் பாக்கலாமா...

எல்லாரும் ஒரே குரலில் - பாக்கவே வேண்டாம்............... ஆளை உடு தாயே... (எஸ்கேப்................)

Sunday, July 11, 2010

என்னை போல் ஒருவன்...


"அம்மா"


"........"

"அம்மா....அம்....மா...."

"........"

"அம்மா... என்மேல கோவம்னா ரெண்டு திட்டு வேணும்னா திட்டிக்கோ.. இப்படி பேசாம இருக்காத"

"......." அம்மா ஒண்ணும் பேசாம கண்ணு மூடி உக்காந்துட்டாங்க

"அனு நீயாவது கொஞ்சம் அம்மாகிட்ட சொல்லேன். என்னோட அக்காவா பொறந்ததுக்கு இதையாச்சும் செய்யேன்" என பக்கத்துல இருந்த உடன்பிறப்பு கிட்ட கெஞ்ச அவ காதே கேக்காத மாதிரி நின்னா, படுபாவி அக்கா

இந்த மாதிரி கூட பொறந்ததுக இருக்கறதுக்கு நான் ஒரே பையனா இருந்திருக்கலாம். நெறைய சலுகயாச்சும் கெடைச்சுருக்கும்.... ச்சே...

"ச்சே... என்ன வீடு இது. காலேஜ் படிக்கற பையன் friends ரெம்ப கம்பெல் பண்ணினாங்கன்னு ஒரு நாள் தண்ணி அடிச்சா என்னமோ கொலை குத்தம் செஞ்ச மாதிரி treat பண்றாங்க" எனக்கு நானே பேசிகிட்டு இருக்கறப்ப எங்க வீட்டு அறுந்த வாலு என்னோட அருமை தங்கச்சி அபி வந்தா

"அபி.... நீயாச்சும் கொஞ்சம் அம்மாகிட்ட சொல்லேண்டி... உனக்கு ஒரு மாசத்துக்கு ஹோம் வொர்க் எல்லாம் பண்ணி தரேன்" னு கெஞ்சினேன். அவளும் என்பேச்சுக்கு மதிப்பு குடுத்து (அப்படின்னு நான் தப்பு கணக்கு போட்டுட்டேன்) அம்மா கிட்ட பேச போனா

"அம்மா... நீ ஒண்ணும் கவலை படாதே.... உனக்கு பொறந்ததே ரெண்டு பொண்ணுங்க தான்னு நெனச்சுக்கோ... கடைசி வரைக்கும் நான் உன்ன காப்பத்தறேன்...." னு சொன்னா அந்த எட்டாங்க்ளாஸ் படிக்கற எட்டப்பி

கொஞ்சம் மனசு மாறுற எண்ணத்துல இருந்த அம்மா இன்னும் மோசமா அழ ஆரம்பிச்சுடாங்க

சனியன் சனியன்.... இதுவும் வாரிடுச்சு பிசாசு.... எட்டாங்க்ளாஸ்லையே எட்டு வருஷம் இருக்க போற பாருன்னு சாபம் குடுத்தேன். Reaction எ காட்டாம போனா எட்டப்பி

நடுமண்டைல நல்லா நறுக்குன்னு ஒரு கொட்டு வெக்கணும்னு நெனச்சேன், அதுக்குள்ள அப்பா இருந்த ஹால்க்கு போய்ட்டா கொரங்கு

"அம்மா... நீ காத்தால இருந்து ஒண்ணும் சாப்பிடல. கொஞ்சம் காபியாச்சும் குடி" னு அனு அம்மாவ கெஞ்சிக்கிட்டு இருந்தா

"என்னது அம்மா காலைல இருந்து ஒண்ணும் சாப்பிடலையா? எல்லாரும் என்ன பண்ணிட்டு இருக்கீங்க? அம்மாவுக்கு லோ சுகர்னு தெரியாதா" னு நான் எகிற

"இந்தாம்மா... சுகர் கீழ போய்டும்.... கொஞ்சமா இந்த காபி மட்டும் குடி" இது அனு

"இவன் இப்படி செய்வான்னு நெனைக்கலடி.." னு அம்மா கண்ணுல தண்ணியே வந்துடுச்சு

"இனிமே இப்படி...." னு நான் என்னமோ சொல்ல வர அதுக்குள்ள எங்கப்பா உள்ள வந்தாரு "ஐயோ...அப்பா வர்றாரு...." னு Kitchen குள்ள போய் பதுங்கிட்டேன்

ஆனாலும் அவங்க என்ன பேசறாங்கன்னு ஒட்டு கேட்டேன்

"அனு, அம்மா சாப்டதும் இந்த மாத்திரைய குடு"

"அம்மா சாப்பிடவே மாட்டேன்கராங்கப்பா, நீங்க கொஞ்சம் சொல்லுங்க"

"பைரவி, இப்படி ஒரு புள்ளைங்கறது நாம வாங்கிட்டு வந்த வரம்... நீ சாப்டாம ஒடம்ப கெடுத்துகரதால எதுவும் மாற போறதில்ல"

"ஆனாலும்... இந்த வயசுல.. எப்படிங்க..."

"இதுக்கு வயசு என்ன பைரவி. கெட்ட சகவாசம் வேண்டான்னு தல பாடா அடிச்சுட்டேனே, கேக்கலியே..." என்றவர் தோளில் இருந்த துண்டால் கண்களை துடைக்க

"ஐயோ அப்பா.... அழறாரா?" னு மனசுக்கு என்னமோ போல ஆய்டுச்சு எனக்கு

"ச்சே அப்பா அழுது நான் பாத்ததே இல்ல... எல்லாம் இந்த மனோஜ் பண்ற வேலை. 18th பர்த்டே மேஜர் ஆனதை கொண்டாடனும்னு உசுப்பி விட்டுட்டான் பாவி"

"அவன் சொன்னா எனக்கு எங்க போச்சு புத்தி. அக்கா கல்யாணம் கூட இப்ப வேண்டாம்னு தள்ளி வெச்சுட்டு அதுக்கு வெச்சிருந்த retirement பணத்த எனக்கு capitation பீஸ் கட்டி இன்ஜினியரிங் சேத்தினாரே. காலேஜ் சேந்த அஞ்சு மாசத்துல அடுத்த வாரம் செமஸ்டர் வெச்சுட்டு.... தண்ணி அடிச்சா எந்த அம்மா அப்பா தான் டென்ஷன் ஆகமாட்டாங்க.... ச்சே...." என்மேலேயே எனக்கு வெறுப்பா வந்தது

ஒரு முடிவுக்கு வந்தவனாய் ஹால்ல இருந்த அப்பாகிட்டே போய் "அப்பா....என்ன மன்னிச்சுடுங்கப்பா... இனிமே இப்படி செய்ய மாட்டேன்.... ப்ளீஸ்ப்பா...."

அப்பா பதிலே பேசல. முகம் இறுக்கமா இருந்தது

இதுக்கு மேல என்ன சொல்லி சமாதானம் செய்யறதுன்னு தெரியாம நான் முழிச்சுட்டு நின்னப்ப

"ஐயோ...... இப்படி ஆய்டுச்சே...." என்றபடி என்னோட அத்தை (அப்பாவோட தங்கை) அழுதுகிட்டே வீட்டுகுள்ள வந்தாங்க

"என்னாச்சு அத்த.." னு நான் கேக்க என்னை ஒரு பொருட்டா கூட நெனைக்காம அப்பா கிட்ட போய் கைய பிடிச்சுகிட்டு அழுதாங்க

"என்ன அண்ணா இது.... இப்படி பண்ணிட்டானே உங்க புள்ள" னு அத்த அழ

"அடப்பாவமே... அதுக்குள்ள நான் தண்ணி அடிச்ச மேட்டர் டெல்லில அத்த வீடு வரைக்கும் போயிடுச்சா. எல்லாம் இந்த எட்டப்பி தான் போன் பண்ணி சொல்லி இருக்கும்" னு டென்ஷன் ஆய்ட்டேன்

"அப்படினா.... அத்த பொண்ணு வைஷு கிட்ட கூட என்னோட இமேஜ் டர்ரர்ர்ர்ர் தானா" னு தலைல கை வெச்சுட்டு உக்காந்துட்டேன்

அம்மா அத்தைய கட்டிபுடிச்சுட்டு ஓ னு அழுதாங்க

"இப்ப என்ன ஆடுச்சுன்னு இப்படி..." னு எனக்கு கோவமா வந்தது, அம்மா அழறதை பாக்க கஷ்டமாவும் இருந்தது

"சின்னவளுக்கு அம்மை போட்டு இருந்தது.... அதான் விசயம் கேள்விப்பட்டும் பத்து நாளா வர முடியல. என்ன அண்ணி நடந்தது...?" னு அழுதுகிட்டே அத்தை கேட்டாங்க

"என்னத்த சொல்றது....." னு அம்மா மறுபடியும் அழ ஆரம்பிக்க அப்பா பதில் சொன்னார்

"பர்த்டே அன்னிக்கி friends க்கு treat குடுக்கணும்னு பிடிவாதம் பண்ணி பணம் வாங்கிட்டு போனான். பசங்க கூட சேந்து wine shop போய் இருக்கான் பாவி.... வர்ற வழில நிதானம் இல்லாம பைக் எதிர்ல வந்த லாரில மோதி......" அதுக்கு மேல சொல்ல முடியாம அப்பாவும் அழ ஆரம்பிச்சார்

ஐயோ.... என்ன நடக்குது இங்க....னு புரியாம.... நான் அப்ப தான் கவனிச்சேன். ஹால்ல ஒரு மூலைல.... என்னது இது... ஐயோ.... எதுக்கு என்னோட போட்டோக்கு மாலை போட்டு.....பதறி சிதறி.... கொஞ்சம் கொஞ்சமா எனக்கு எல்லாம் புரிய ஆரம்பிச்சது

பர்த்டே அன்னைக்கி தண்ணி அடிச்சுட்டு வீட்டுல என்ன சொல்ல போறாங்களோனு டென்ஷன்ஆ வந்துட்டு இருந்தேன்.... அப்புறம்.. ஏதோ.... கூச்சல்.... சத்தம்... அப்புறம்... ஐயோ ஒண்ணுமே ஞாபகம் இல்லையே. அப்படினா அந்த போட்டோ நானே தானா.... இல்ல... என்னை போலவே இருக்கற யாரோ.... அப்படி இருந்தா நல்லா இருக்குமே

இத்தனை நேரம் என மேல இருக்கற கோபத்துல யாரும் நான் பேசினதுக்கு பதில் சொல்லலைன்னு நெனச்சேன்... ஆனா.... அவங்க கண்ணுக்கே நான் தெரியல... நான் செத்து பத்து நாள் ஆச்சு....

அதுக்குள்ள அத்தைய பாத்துட்டு அனு அக்கா அபி குட்டி எல்லாரும் அழறாங்க

ஐயோ, ப்ளீஸ் அழாதீங்க. எனக்கு கஷ்டமா இருக்கு

அக்கா நான் காலேஜ் சேர்றதுக்கு முன்னாடி போய் இருந்தா அந்த காசுல உன் கல்யாணமாச்சும் ஆகுமே. இப்போ அப்பா என்ன செய்ய போறார். அன்னிக்கி பெரியப்பா கேட்டதுக்கு அப்பா ரெம்ப பெருமையா எல்லாம் என்புள்ள செய்வான்னு சொன்னாரே... இப்ப என்ன செய்வாரு?

அபி குட்டி அழறாளே.... ஐயோ.... இனி தினமும் அவள யாரு ஸ்கூல்ல கொண்டு போய் விடுவா... டவுன் பஸ் கூட்டத்துல நசுங்கிடுவாளே.... ஐயோ

இனி இப்படி பொலம்பறரத தவிர என்னால என்ன செய்ய முடியும்....

என்னை போல ஒருவனா இனி யாரும் இருக்காதீங்க.... ப்ளீஸ்.... ப்ளீஸ்.... ப்ளீஸ்

Thursday, July 08, 2010

தங்க மணிக்கு பத்து கேள்விகள் - பதிவுக்கு எதிர்பதிவு....




தராசு அண்ணாத்த "தங்கமணிகிட்ட பத்து கேள்விகள்" கேக்கராருங்களாமா... அதை படிச்சு போட்டு அப்பாவியான நானே பொங்கிட்டனுங்க...அதானுங்க இந்த எதிர் பதிவு...

இந்த லிங்க் குடுத்தது யாருன்னு பொறகால சொல்றனுங்க...அதாவது பின்னாடிங்க... சரி உடுங்க... இப்ப இங்க முன்னாடி படிங்க...

அண்ணாரு கேட்ட ஒரு ஒரு கேள்வியும் "பதிவு"ன்னும் அதுக்கு என்னோட மறுமொழிய "எதிர் பதிவு"ன்னும் போட்டு இருக்கறனுங்... படிச்சுபோட்டு உங்க கருத்த சொல்லி போட்டு போங்... சரிதானுங்....

பதிவு
உங்க கைப்பையில அப்படி என்ன குப்பையைத்தான் வெச்சிருப்பீங்க, அதுல இருக்கற அந்த 32 ஜிப்புகளை எப்ப திறந்தாலும், எது தேவையோ அதைத் தவிர மத்ததெல்லாம் எடுக்கறீங்களே?

எதிர் பதிவு
எல்லாம் உங்களுக்கு தேவை பட்ற குப்பைக (!!!) தான். என்ன செய்ய? நீங்க கை வீசிட்டு வர்றப்ப நாங்களாச்சும் பொறுப்பா எல்லாத்தையும் கொண்டு வர வேண்டி இருக்கே...நல்லதுக்கு காலம் இல்ல... வேற என்ன சொல்ல


பதிவு
ரூபா நோட்டை ரெண்டா மடிச்சு பிடிக்கத் தெரியாதா? அது ஏன் எல்லாத் தங்கமணியும் ஒவ்வொரு நோட்டையும் சுருட்டி உருட்டி 24 மடிப்பு மடிச்சு பிடிக்கறீங்க?

எதிர் பதிவு
ரூபாயை எப்படி பிடிக்கறோம்கறது முக்கியம் இல்ல பாஸ்... எப்படி பிடிச்சு வெக்கறோம்கறது (சிக்கனம்) தான் மேட்டர்.... அதுல ரங்கமணிகள விட தங்கமணிகள் எப்பவும் சூப்பர் தான்னு statistics சொல்லுது... போய் பாருங்க...ஹா ஹா ஹா


பதிவு
அரைச்ச சட்னில ரெண்டு மொளகாய ஜாஸ்தியா போட்டுட்டு, அவனவன் கண்ணுல தண்ணிவர அவஸ்தைப்பட்டா, “கொஞ்சம் காரமா இருந்தா விரும்பி சாப்பிடுவீங்களேன்னுதான் வெச்சேன்” னு எப்படி மனசாட்சி இல்லாம சொல்ல முடியுது? (ஆனா உண்மையில அளவு தெரியாம போட்டதை எங்க போய்ச் சொல்ல)

எதிர் பதிவு
சட்னி அரைச்சு குடுக்கராங்கல்ல அவங்கள சொல்லணும்... வெறும் தேங்காய கடிச்சுட்டு சாப்பிடுங்கன்னு விட்டுட்டா இனிமே சரியா போகும்... என்ன நான் சொல்றது....? (தேவையா இது தேவையா...ஹா ஹா ஹா)

ஒரு நாள் ஒரே நாள்... கிட்சன்ஐ போர்களமா மாத்தாம ஒரு உப்மா செய்ங்க அப்புறம் பேசலாம் மத்ததெல்லாம் (உடனே "நான் செய்வேனே"னு நாலு பேரு சொல்லுவீங்கன்னு தெரியும்...நான் நாலு நல்லவங்கள பத்தி பேசலைங்ண்ணா... மிச்சம் 96 பேரு தான் எங்க டார்கெட்....ஹி ஹி ஹி)



பதிவு
பேஸ்கெட்பால் விளையாடு, டிராயிங் கிளாஸ் போ, இன்டர்நெட் பழகு, ஹேரி பாட்டர் படி, பரத நாட்டியம் பழகுன்னு அந்த பச்ச மண்ண இந்தப் பாடு படுத்தறீங்களே, அவ வயசுல நீங்க அ,ஆ,இ, ஈ ஒழுக்கமா எழுத பழகீருப்பீங்களா?

எதிர் பதிவு
என்ன செய்ய? வாய்ச்சது தான் இப்படி விதின்னு ஆகி போச்சு.... நாம பெத்ததாச்சும் நல்லபடியா இருக்கட்டும்னு நெனைக்கறது தப்பாங்ண்ணா... நேரடியா சொன்னா உங்க மனசு கஷ்டப்படும்னு சொல்லாம விட்டது தங்கமணி தப்பு .... (இப்ப என்ன சொல்லுவீங்க... இப்ப என்ன சொல்லுவீங்க...ஹா ஹா ஹா)


பதிவு
குழந்தைக்கு யூனிஃபார்ம் தான் வாங்கப் போறோம், அப்பவும் எதுக்கு மத்த துணியெல்லாம் பாத்துட்டு அப்புறமா யூனிஃபார்ம் வாங்கறீங்க?

எதிர் பதிவு
அதுதாங்க மல்டி-டாஸ்கிங்.... ஓ... அப்படின்னா என்னனே ரங்க்ஸ்களுக்கு தெரியாதில்ல... அதாவது... ஒரு வேலை செய்யறப்பவே அவகாசம் கெடைச்சா பின்னாடி வேண்டியதையும் பாத்து வெச்சுக்கறது பெண்களுக்கே உரிய ஒரு குணம்... இல்லேனா உங்கள மாதிரி நூறு ரூபா பெறாத சட்டைய ஆயிரம் குடுத்து வாங்க வேண்டி வருமே பாஸ்... ஹே ஹே ஹே...


பதிவு
எங்க சொந்தக்காரங்க கிட்ட நாங்க ஃபோன்ல பேசும் போது மட்டுமே ஏன் நீங்க மிக்ஸில மசால் அரைக்கறீங்க?

எதிர் பதிவு
என்ன கொடுமைங்ண்ணா இது? "ஆகாத பொண்டாட்டி கைபட்டாலும் குத்தம் கால் பட்டாலும் குத்தம்" னு சொல்றாப்ல பேச்சு.... அரைச்சாலும் தப்பு அரைக்கலைனாலும் "என் தங்கமணிக்கு சமயல் அறையே எங்க இருக்குன்னு தெரியாது"ன்னு ஒரு டயலாக் சொல்லுவீங்க... ஏங்க கேக்க ஆள் இல்லைன்னு பேசறீங்களோ....? ஹும்... 33 % அரசாங்கம் குடுத்தாலும் வீட்டுல என்னிக்கி தான் விடியுமோ...

பதிவு
உங்களுக்கு புடவை வாங்கணும்னா நீங்க ரெண்டு மணி நேரம் வேண்ணாலும் நின்னு வாங்கிக்கங்க, ஆனா நீங்க பாக்கற 237 புடவையையும் நானும் பாக்கணும்னா, இதெல்லாம் அராஜகமாத் தோணலயா?

எதிர் பதிவு
என்னங்க செய்ய? உங்கள மாதிரியா நாங்க... நாங்க உடுத்துற புடவை கூட உங்களுக்கும் பிடிச்சதா இருக்கணும்னு நெனக்கற நல்ல மனசு தங்கமணிகளுக்கு இருக்கே... (ஹா ஹா ஹா)


பதிவு
எங்க வெளீல கெளம்புனாலும் நாங்க கிளம்பி ஒரு கால் மணி நேரம் கழிச்சுதான் நீங்க ரெடியாகணும்கறது ஒரு சடங்காவே வெச்சிருக்கீங்களா? (அந்த கால் மணி நேரத்துல கேஸ் ஆஃப் பண்ணு, சன்னலை சாத்து, சாம்பாரை ஃபிரிட்ஜுல வைன்னு ஒரு 34 வேலைகள லிஸ்ட் போட்டு செய்ய வெக்கறீங்களே அது ஏன்)

எதிர் பதிவு
உங்கள போல கை வீசிட்டு கெளம்ப நாங்க என்ன நீங்களா? உங்களுக்கு கிளம்பறது ஒண்ணு தான் வேலை... எங்களுக்கு அதுவும் ஒரு வேலை... அதோட சமைக்கறது (நீங்க மேல சொன்னாப்ல அந்த நேரத்துல தானே உங்க சொந்த காரங்க கூட அரட்டை அடிச்சுட்டு நாங்க mixie போடறத வேற கிண்டல் பண்ணுவீங்க... பின்ன என்ன ஹெல்ப் பண்றதா போச்சு...), பிள்ளைகள கிளப்பறது, வீட்டை ஒழுங்கு பண்றது எல்லாமும் இருக்கே (கரெக்ட் தானே பாஸ்...)


பதிவு
பாத்ரூம் ஷெல்ஃபுல போதை வஸ்துக்கள் மாதிரி ஒரு 25 டப்பால கலர் கலரா கடந்த ஒரு நூற்றாண்டா என்னென்னமோ இருக்குதே, இதுல ஒரு ஐட்டத்தையாவது கடந்த மூன்று மாதங்கள்ல ஒருதரமாவது யூஸ் பண்ணீருக்கீங்களா?

எதிர் பதிவு
//"போதை வஸ்துக்கள்"// உங்களுக்கு ஏங்ண்ணா எல்லாமும் இப்படியே தோணுது...? ஓ... நீங்க ரங்கமணி ஆச்சே... அப்படி தான் இருக்கும்... யூஸ் பண்றதெல்லாம் பிட் நோட்டீஸ் அடிச்சு சொல்லிட்டா பண்ண முடியும்... எல்லாம் பண்றது தான்..


பதிவு
எந்த கடை முன்னால காரை நிறுத்த முடியாதோ, கண்டிப்பா அந்த கடைல தான் மளிகை சாமான் நல்லா இருக்கும்னு எப்படி கண்டு பிடிக்கறீங்க?

எதிர் பதிவு
அந்த கடைல தான் மளிகை சாமான் நல்லா இருக்கும்னு தெரிஞ்சு வெச்சு இருக்கறதுக்கு பாராட்டறத விட்டுட்டு இதுக்குமா குத்தம்... ஆண்டவா காப்பாத்து...

பத்து கேள்வி கேட்டீங்களே... உங்ககிட்ட ஒரே கேள்வி...

அது எப்படிங்ண்ணா அத்தனை நேரம் வெட்டியா டிவி பாத்துட்டு இருந்தாலும் தங்கமணிக ஒரு வேலை சொல்றப்ப மட்டும் ரங்கமணிகளுக்கு முக்கியமான போன் கால் இல்லைனா ஆபீஸ் வேலை வருது...

என்னமோ போங்க... இனிமே பொண்ணுகள புரிஞ்சுக்கவே முடியலைன்னு யாரும் சொன்னா நான் டென்ஷன் ஆய்டுவேன் ஆமா... ஹா ஹா ஹா

பின் குறிப்பு - தராசு அண்ணாத்தைக்கு:
என்னோட "ரங்கமணிகள் - ஒரு ஆய்வு - க.மு Vs க.பி" பதிவை பாத்துட்டு உங்க "தங்க மணிக்கு பத்து கேள்விகள்" லிங்க் குடுத்தது செந்தில் மோகன் சார் தானுங்க... So என்ன திட்டணும்னாலும் அவரை திட்டிக்கோங்க... மீ எஸ்கேப்... please kill the messanger... not me.... (ஹி ஹி ஹி)

Monday, July 05, 2010

ரங்கமணிகள் - ஒரு ஆய்வு - க.மு Vs க.பி...


என்னதிது? கி.மு / கி.பி தெரியும், காமு சோமு தெரியும்,  டீ காபி கூட தெரியும், இது என்ன புதுசா க.மு Vs  க.பி னு மண்டைய பிச்சுக்கரீங்களா....

அதான்... அதான் வேணும் எனக்கு.... நாலு பேரை மண்டைய பிச்சுக்க வெச்சா அன்னைக்கி நான் நிம்மதியா தூங்குவேன்.... ஹி ஹி ஹி... ஒகே ஒகே நோ டென்ஷன்....

விசியத்துக்கு போவோம்.... க.மு Vs  க.பி னா கல்யாணத்துக்கு முன் Vs கல்யாணத்துக்கு பின். அதாவது ரங்கமணிகள் ஒரே situation ஐ கல்யாணத்துக்கு  முன்னாடி எப்படி ஹீரோ மாதிரி டீல் பண்ணுறாங்க, அதே கல்யாணத்துக்கு அப்புறம் எப்படி (!!!!?????) மாறி போய்டராங்கங்கறதை  இந்த தமிழ் கூறும் நல்லுலகிற்கு என்னை போன்ற அப்பாவி தங்கமணிகள் சார்பாக எடுத்து இயம்பவே இந்த பதிவு... ம்ம்ம்ம்.... மூச்சு வாங்குது போங்க...

இப்போ உங்க முகம் அப்படியே "வதனமோ சந்திர பிம்பமோ" னு சொல்லுற மாதிரி பிரகாசமாகுதா அப்போ நீங்க ஒரு "தங்கமணி", அதே கேப்டன் படத்துல வர்ற மாதிரி கண்ணு இன்ஸ்டன்ட்ஆ சிவக்க உதடு துடிக்க மொறைக்கரீங்களா அப்போ நீங்க ஒரு "ரங்கமணி"

எப்படி நம்ம கண்டுபிடிப்பு...? ஒகே ஒகே.... நோபல் பரிசு எல்லாம் வேண்டாம்னு சொன்னா நீங்க கேக்கவா போறீங்க.... சரி சரி ரெண்டு மட்டும் குடுங்க போதும்.... எங்க வீட்டு showcase ல அவ்ளோ தான் எடம் இருக்கு...

சரி, பதிவுக்கு போறதுக்கு முன்னாடி ஒரு நன்றி சொல்லிக்கறேன்.... எதுக்கா? இதுக்கெல்லாம் காரணம் வேணுமா என்ன? சும்மா போற போக்குல சொல்றது தான்

சரி சரி சொல்றேன்... இது என்னோட 50 வது பதிவு, நான் இத்தனை தூரம் வந்ததுக்கு நீங்க எல்லாரும் தான் காரணம் (அப்பாடா பழிய அவங்க மேல போட்டாச்சு... ஹா ஹா ஹா)

எனவே என்னோட கோடானு கோடி ரசிகர் பெருமக்களாகிய உங்களுக்கு... சரி சரி... நோ டென்ஷன்... Just tongue slip you know.... நான் என்ன சொல்ல வந்தேன்னா அந்த கோடில ஒண்ணு இந்த கோடில ஒண்ணுனு இருக்கற சில சக பதிவுலக நண்பர்களே... உங்க எல்லாருக்கும் நூறு ஆயிரம் லட்சம் கோடி நன்றி (அதுக்கு மேல counting தெரியலப்பா விடுங்க)

"அவங்க அவங்க ஆயிரம் ரெண்டாயிரம் பதிவுன்னு போட்டுட்டே சத்தமில்லாம இருக்காங்க உன் அலப்பறை பெரிய அலப்பறையா இருக்கேன்னு திட்டறீங்களா?". திட்டாதீங்கப்பா... ஏதோ உங்களை மாதிரி மலைகளுக்கு மத்தில ஒரு மடுவா இருந்துட்டு போறனே... ஒகே ஒகே... நோ பீலிங்க்ஸ்....ஒகே....ஒகே.... (ஆட்டோ எல்லாம் வேண்டாம்....நான் பதிவுக்கு போறேன்....)

********************************************

சிச்சுவேசன் ஒண்ணு - சுரேஷ்க்கு காய்ச்சல், ஆனாலும் Sincere சிகாமணியா பிசினஸ் விசியமா வெளியூர் போய் இருக்கார். அப்போ அவருக்கு போன் வருது

கல்யாணத்துக்கு முன் : "ஹலோ சொல்லு டார்லிங்.... இப்போ தானே பேசின. என்ன? ஓ...எனக்கு இப்போ ஒடம்புக்கு பரவாயில்லயானு கேக்க கூப்டியா.... உனக்கு என் மேல எவ்ளோ அன்பு.... நான் ரெம்ப லக்கி"

கல்யாணத்துக்கு பின் : "சொல்லு. என்ன? மீட்டிங்ல இருக்கேன்... ம்... சரி வெய்யி....வேலை இருக்கு.... அப்புறம் பேசறேன்" (மனதிற்குள் - வெளியூர் வந்தும் மனுசன நிம்மதியா விடாம...ச்சே....)

********************************************

சிச்சுவேசன் ரெண்டு - சுரேஷ்ம் சுந்தரியும் பீச்சில் அமர்ந்து இருக்கிறார்கள்

கல்யாணத்துக்கு முன்: "எப்படி சுந்தரி இப்படி கோர்வையா கதை சொல்ற மாதிரி அழகா பேசற? நீ பேசறதை கேக்கறதுக்கே ஆபீஸ் எப்படா முடியும்னு இருக்கு எனக்கு தினமும்"

கல்யாணத்துக்கு பின்: "ஏன் இப்படி தொணதொணக்கற? உனக்கே வாயே வலிக்காதா? ( மனதிற்குள் - இதுக்கு பேசாம நான் ஆபீஸ்ல உக்காந்து internet browse பண்ணிட்டாச்சும் இருக்கலாம்)

********************************************

சிச்சுவேசன் மூணு - சுரேஷ்ம் சுந்தரியும் கோவிலில். சுந்தரி ஒரு பெண்ணின் வளையலை காட்டி "அழகா இருக்கில்ல" னு சொல்றாங்க

கல்யாணத்துக்கு முன்: (மனதிற்குள்) "வாவ்.... காதலிக்க ஆரம்பிச்சு 100 வது நாளுக்கு என்ன கிப்ட் வாங்கறதுன்னு மண்டைய ஒடைச்சுட்டு இருந்தேன்... வளையல் வாங்கி surprise ஆ அசத்தணும்"

கல்யாணத்துக்கு பின் : (மனதிற்குள்) "ஐயோ..... கல்யாண நாள் வேற வருதே... பர்சை காலி பண்ணாம விடாது போல இருக்கே. எப்பவும் போல காது கேக்காத மாதிரியே maintain பண்ணிக்கணும்.... அதான் நமக்கும் நல்லது நம்ம பர்சுக்கும் நல்லது"

********************************************

சிச்சுவேசன் நாலு - சுரேஷ்ம் சுந்தரியும் ஒரு உணவகத்தில். சுரேஷ் காளிப்ளவர் மஞ்சூரியனை ரசித்து சாப்பிட "உங்களுக்கு ரெம்ப பிடிச்சதா... இருங்க chef கிட்ட எப்படி செய்தாங்கன்னு கேட்டுட்டு வரேன்"

கல்யாணத்துக்கு முன்: "எனக்கு ஒண்ணு பிடிக்கிதுனதும் இவ்ளோ ஆசையா கத்துக்க நினைக்கிறியே... இதுக்காகவே எப்படி சமைச்சு போட்டாலும் சந்தோசமா சாப்பிடுவேன்"

கல்யாணத்துக்கு பின்: "போதும் போதும்....ஏன்? எனக்கு காளிப்ளவர் மஞ்சூரியன் புடிக்காம போகணுமா?"

********************************************

சிச்சுவேசன் அஞ்சு - சுரேஷ்க்கு அசைவம் பிடிக்காது என்றதும் தானும் அதை சாப்பிடபோவதில்லை என்கிறார் சுந்தரி

கல்யாணத்துக்கு முன்: "ஏம்மா? உனக்கு புடிச்ச எதையும் நீ எனக்காக தியாகம் பண்ண கூடாது. சரியா"

கல்யாணத்துக்கு பின்: "ஏன்? உனக்கு பிடிக்காத எதையாச்சும் என்னை விட சொல்ல போறியோ?" (இப்படி குதர்க்கமா யோசிக்கறது எல்லாம் ரங்கமணி போஸ்ட் குடுத்த அடுத்த நொடி வந்துடும் போல)

********************************************

சிச்சுவேசன் ஆறு - சுந்தரி புது புடவை கட்டி இருக்கிறார். "எப்படி இருக்கு?" னு சுரேஷ் கிட்ட கேக்கறாங்க

கல்யாணத்துக்கு முன்: "புடவை சுமார் தான்... ஆன நீ கட்டி இருக்கறதால அதுக்கு மவுசு கூடிப் போச்சு"

கல்யாணத்துக்கு பின்: "பொடவை எல்லாம் நல்லாத்தான் இருக்கு....."  (அதுக்கப்புறம் ஒரு "indifferent look " அதுக்கு என்ன அர்த்தம்ன்னு ரங்கமணிகளுக்கே வெளிச்சம்)

********************************************'

சிச்சுவேசன் ஏழு - சுந்தரி அவங்க தோழி கல்யாணத்துக்காக வெளியூர் போறதா சொல்றாங்க

கல்யாணத்துக்கு முன்: "என்னது ரெண்டு நாளா? சான்சே இல்ல... என்னால உன்னை பாக்காம இருக்க முடியாதும்மா. வேணும்னா நல்ல காஸ்ட்லி கிப்ட் வாங்கி அனுப்பிடலாம்"

கல்யாணத்துக்கு பின்: "அப்படியா.... பிரிண்ட்ஸ் எல்லாம் பாத்தா என்னை மறந்துடுவ இல்ல? வேணா இன்னும் ரெண்டு நாள் நல்லா என்ஜாய் பண்ணிட்டு வாயேன்... உனக்கும் ஒரு சேஞ்சா இருக்கும்" (மனதிற்குள் - ஐ....தங்கமணி என்ஜாய்... உடனே நம்ம கோஷ்டிக்கு போன் போட்டு பார்ட்டிக்கு ஏற்பாடு பண்ணனும்....) "என்னமா நீ இன்னும் போலயா?"

********************************************'

ஏழுக்கு மேல எழுதினா ஏழரை நாட்டு சனி ஆரம்பிக்கறதாவும் அதோட விளைவா ஆட்டோ இல்ல லாரியே வரும்னும் நம்பத்தகுந்த வட்டார செய்திகள் வந்தபடியால் அப்பாவி தங்கமணி உங்களிடம் இருந்து விடை மற்றும் வடை பெறுகிறாள்....  எஸ்கேப்......

Disclaimer Statement: இந்த பதிவை படிச்சதும்.... அதன் விளைவாக உங்கள் வீட்டில் நடக்கும் அடிதடி, சட்டி பானை பாத்திர சண்டை, இன்னும் மற்ற பிற (!!!???) விளைவுகளுக்கு அப்பாவியின் ப்ளாக் பொறுப்பில்ல... இந்த Disclaimer Statement மூலமாக சொல்லி கொள்வது என்னவென்றால் கேஸ் கோர்ட் எல்லாம் செல்லாது செல்லாது செல்லாது... (ஹி ஹி ஹி)

இப்படிக்கு,
முன்ஜாக்கிரதை மற்றும் முன் ஜாமீன் புகழ் - அப்பாவி தாங்க்ஸ்