Friday, May 31, 2013

திருச்சி டு ஸ்ரீரங்கம் - வழி மலைக்கோட்டை...:)

 
 
வணக்கம் வணக்கம்... பலமுறை சொன்னேன்... ஏன் ஒருமுறை சொன்னா போதாதானு கேக்கறீங்களா? ரெம்ப நாள் கழிச்சு இந்த பக்கம் வரோமேனு சேத்து வெச்சு சொல்றேன்னு வெச்சுக்கோங்களேன்
 
நானும் போஸ்ட் எழுதனும் எழுதனும்னு நெனச்சுட்டே தான் இருக்கேன்... ஆனா என்னமோ தெர்ல அப்படி ஒரு பிஸி... ஒரு வேலையும் இல்ல ஆனாலும் பிஸியோ பிஸி. என்னமோ போ அப்பாவி
 
அப்பப்போ கொஞ்சம் ஊர் சுத்தல் வேற கெளம்பிடறோம். முன்னாடி எல்லாம் எதாச்சும் ஊருக்கு போனா அங்க இருக்கற கோவில்கள் அப்புறம் சுற்றுலா தளங்கள் மட்டும் பாப்போம்
 
இப்ப அந்த அந்த ஊர்ல இருக்கற ப்ளாக் பிரெண்ட்ஸ் எல்லாம் மீட் பண்ற வாய்ப்பு கிடைக்கரதுல ஒரு கூடுதல் சந்தோஷம். எந்த ஊர் போனாலும் நமக்கு தெரிஞ்சவங்க இருக்காங்க அப்படிங்கறது ஒரு பெருமை தானே (ரங்கஸ்கிட்ட பீலா விட இதை விட நல்ல வாய்ப்பு கிடைக்குமா என்ன?)
 
இப்படிதான் போன சனிக்கிழமை திருச்சி போலாம்னு முடிவு பண்ணினதும், தலைநகர்ல இருக்கற தலையாய பிளாக்கர் ஒருத்தர் லீவுக்கு சொந்த ஊர் திருச்சிக்கு வந்திருக்காருனு கேள்விப்பட்டு, "வரோம் அண்ணா"னு சொன்னதும் "வாங்க வாங்க"னு சொன்ன கையோட எங்க கால் திருச்சி மண்ணுல படறதுக்கு சரியா எட்டு மணி நேரம் முன்னாடி டெல்லிக்கு ட்ரைன் புக் பண்ணிட்டார்
 
நான் இட்லி எல்லாம் செஞ்சுட்டு வரலைனு எவ்ளவோ சொல்லியும் ஏன் இப்படி ஒரு முடிவு எடுத்தார்னு எட்டு பேர் கொண்ட "அப்பாவி ஆதரவாளர் சங்க" உறுப்பினர்கள் கொண்ட டிவிசன் பெஞ்ச் விசாரணையில் ஈடுபட்டு கொண்டிருக்கிறது. விசாரணை கமிஷன் அறிக்கை விரைவில் வெளியிடப்படும்...:)
 
அப்புறம் நம்ம கீதா பாட்டி, சாரி சாரி அவங்க பாட்டி ஆகி பல வருஷம் ஆகி இருந்தாலும் பாட்டினு சொன்னா டென்சன் ஆகிடுவாங்க. சோ கீதா மாமி, இல்ல இல்ல கீதா அக்கானு சொல்லிடுவோம் எதுக்கும்
 
வேண்டாம் கொஞ்சம் ஓவரா இருக்கு, கீதா மாமினே சொல்லிக்கறேன் வழக்கம் போல. அவங்களுக்கு மெயில் தட்டிட்டு புறப்பட ஆயுத்தமானோம். "வாங்க வாங்க... ஆனா இட்லி எல்லாம் வேண்டாம்"னு அவங்க முன்னெச்சரிக்கையா சொல்லிட்டாங்க
 
திருச்சிக்கு எப்பவோ ஸ்கூல் நாட்கள்ல போனது. உடனே கி.மு ரேஞ்சுக்கு யோசிக்காதீங்க பாஸ். சில வருசங்கள் அவ்ளோ தான்..:) ஆனா அப்போ அகண்ட காவிரில முங்கி எழுந்து அப்படியே அம்மா மண்டபம் வழியா பொடி நடையா கோபுர வாசல் நோக்கி நடந்த மலரும் நினைவுகளை அசை போட்டபடி ரயில் பயணம் தொடங்கியது. கார்ல போனா டிரைவிங் டென்சன், ட்ரைன் தான் ஜாலினு டைலாக் அடிச்சது நான் தான், ஆனா திருச்சி வெயில் பாத்ததும் தப்பு பண்ணிட்டமோனு தோணுச்சு
 
ட்ரைன்ல ஏறி உக்காந்ததும் ரங்கஸ் தூங்க ஆரம்பிச்சுட்டார். இதை வீட்லயே செய்யலாமேனு நான் டென்சன் ஆக, நீ படிக்கற இந்த ரமணிச்சந்திரன் புக்கை கூடத்தான் வீட்லயே படிக்கலாம்னு ஒரு பல்பு ப்ரெசென்ட் பண்ணினார், சந்தோசமா வாங்கி மூட்டை கட்டிட்டு படிச்சுட்டே வந்தேன், நடு நடுல ஜன்னல் வழியா எதுனா சீனரி நல்லா இருந்தாலோ இல்ல புதுசா எதாச்சும் கண்ணுல பட்டாலோ, அதை சாக்கா வெச்சு ரங்கஸ்'ஐ துயில் எழுப்பி அதுல ஒரு அல்ப சந்தோசத்தை அடைஞ்சேன்...:)
 
ஒருவழியா பகல் பதினொரு மணி வாக்குல ட்ரைன் திருச்சி போய் சேந்தது. ரூம்ல போய் ப்ரெஷ் ஆகிட்டு ரங்கனை தரிசிக்க போனோம். கோவில் உள்ள தரைல நொண்டி அடிச்சுட்டே போனோம், பின்ன ரெண்டு காலையும் ஒண்ணா அக்னி குண்டத்துல வெக்க முடியணுமே. ஆமாங்க, தரை அப்படியே தீ மாதிரி இருந்தது. இனிமே சம்மருக்கு கோவை விட்டு எங்கயும் போறதில்லைனு முடிவு பண்ணிட்டோம்
 
ஒருவழியா கோவில் உள்ள போனா, அப்ப ரங்கநாதருக்கு நேப் டைம்னு நடை சாத்திட்டாங்க. சரி இனி எல்லா கோவிலும் இப்படிதான் இருக்கும்னு, இருக்கற டைம்ல கீதா மாத்தாவையும், எஸ்கேப் ஆன தலைநகர் தலைவர் வெங்கட் அண்ணா குடும்பத்தையும் மீட் பண்ணிடுவோம்னு கெளம்பினோம்
 
ஆட்டோ பிடிச்சு வழி கேட்டுட்டே வெங்கட் அண்ணா வீட்டுக்கு போனோம். வெங்கட் அண்ணா குடும்பத்துல எல்லாரும் ரெம்ப பிரெண்ட்லியா பேசினது ரெம்ப சந்தோசமா இருந்தது. அதுலயும் வெங்கட் அண்ணாவோட அப்பா முதல் முறை பாக்கற மாதிரி இல்லாம, "ஏன் ஹோட்டல் எல்லாம், இங்கயே தங்கி இருக்கலாமே"னு சொன்னப்ப மனசு நெறஞ்சு போச்சு
 
ரிஷபன் சார் கூட அந்த ஏரியா தான்னு கேள்விப்பட்டு போன்ல கூப்ட்டா அவரும் எஸ்கேப் (மோரல் ஆப் தி ஸ்டோரி - இனிமே அந்த ஊர்ல இருக்கற ப்ளாக்கர்ஸ்கிட்ட அவங்க ஊருக்கு வர்ற விசயத்த சொல்லாம தான் போகணும். இல்லேனா எல்லாரும் எஸ்கேப் தான்..:) ஜஸ்ட் கிட்டிங்...:)) வை.கோபாலக்ருஷ்ணன் சாருக்கு மொதலே ஈமெயில் பண்ண விட்டுபோச்சு...:(
 
அப்புறம் பாட்டி வீட்டுக்கு சாரி கீதா மாமி வீட்டுக்கு போனோம். கீதா மாத்தா பேர் சொன்னதும் ஆட்டோகாரர் அவங்க அபார்ட்மண்ட் வாசல் இல்ல, லிப்ட்கிட்டையே கொண்டு போய் எறக்கி விட்டார். ஹ்ம்ம், பாவம் என்ன பயமோ அவனுக்கு
 
நாங்க போனப்ப மாமி மும்மரமா பூ கட்டிட்டு இருந்தாங்க, மாமா அமைதியா இருந்தார், பின்ன கூட இருக்கற ஆள் அப்படியாச்சே. எனக்கு மல்லிகை / முல்லை ரெண்டுமே உயிர், கெளம்பும் போது அவங்களா தரலைனா கேட்டு வாங்கிடனும்னு முடிவோட தான் இருந்தேன். பத்து வருசம் பாரின்ல இருந்தப்ப மிஸ் பண்ணினதுக்கு சேத்து வெச்சு இப்ப பூ வெச்சு என்ஜாய் பண்றேன், அவ்ளோ பிடிக்கும்
 
ப்ளாக்ல மாதிரி நேர்லயும் நல்ல ரகளை பண்ணனும் மாமிகிட்ட அப்படினு நெறைய கதை வசனம் எல்லாம் ரெடி பண்ணிட்டு போனேன், ஆனா என்ன மாயமோ என்ன மந்திரமோ அவங்கள பாத்ததும் சைலண்ட் ஆகிட்டேன். வர்மக்கலை மாதிரி எதுனா மர்மகலை கத்து வெச்சு இருக்காங்களானு விசாரிக்கணும்
 
"எனக்கு கும்பகோணம் அவங்களுக்கு மதுரை"னு மாமா சொன்னப்ப "அவங்க மதுரைனு சொல்லாமையே தெரியுதே"னு தொண்டை வரை வந்த கமெண்ட், மாடரேசன்ல கட் ஆய்டுச்சு. என்னமோ போ அப்பாவி
 
அப்புறம், பாட்டி வடை சுட்ட கதை உங்களுக்கு தெரிஞ்சு இருக்கலாம், ஆனா பக்கோடா சுட்ட கதை தெரியுமோ. இனிமே என் இட்லிய மாமி கமெண்ட் அடிச்சா இதான் ஒரே ஆயுதம்...:) என் ரங்கஸ்கிட்ட "இந்தாங்க பனிஷ்மண்ட்"னு பக்கோடா தட்டை நீட்டினாங்க மாமி. அவர் பாத்த பார்வைலயே "நான் பாக்காத பனிஷ்மெண்ட்டா"னு ஒரு மெசேஜ் தெரிய, நானே அதை சொல்லிட்டேன். அரசியல்ல இதெல்லாம் சகஜமப்பா...:)
 
அவங்க அபார்ட்மெண்ட் மாடிக்கு அழைச்சுட்டு போனார் மாமா, வாவ்... ஒரு பக்கம் ஸ்ரீரங்கம் ராஜகோபுரம், ஒரு பக்கம் திருவானைக்கா கோவில் கோபுரம், இன்னொருபக்கம் மலைக்கோட்டை, அடுத்த பக்கம் காவிரிக்கரை. ஆனா நான் கற்பனை பண்ணின அகண்ட காவிரி இல்ல, இது வறண்ட காவிரி..:(. ஆனாலும் மாடியைவிட்டு எறங்கி வரவே மனசில்ல.
 
அப்புறம் டீ குடிச்சுட்டு, தாம்பூலம் (பூ அவங்களே குடுத்துட்டாங்க) மற்றும் ஆசீர்வாதம் எல்லாம் வாங்கிட்டு, போட்டோ செசன் எல்லாம் முடிச்சுட்டு டாடா பை பை சொல்லிட்டு கெளம்பினோம். லிப்ட்குள்ள போனதும் ரங்கஸ் கேட்ட முதல் கேள்வி "என்ன அதிசியமா இன்னைக்கி கம்மியா பேசின மாதிரி இருந்தது?". நேரம் தான்னு தொடர்ந்து அமைதியை கடைபிடித்தேன்
 
அங்கேருந்து திருவானைக்கா கோவில் போனோம். கோவில் வாசல்லையே "அகிலா" மேடம் (யானை) வரவேற்ப்புக்கு நின்னுட்டு இருந்தாங்க. ஒரு சலாம் போட்டுட்டு உள்ள போனோம். பொறுமையா கோவில் சிற்பங்கள் வேலைப்பாடுகள் எல்லாம் ரசிச்சு பாத்தா அந்த ஒரு கோவிலுக்கே ஒரு நாள் போதாதுன்னு தோனுச்சு. ஆனா நம்ம செடியூல் வேறயா இருக்க, அம்பாளை தரிசிச்சுட்டு மலைக்கோட்டை போக ஆட்டோ தேடினோம்
 
ஆட்டோக்காரர் 120 ரூபாய் கேட்க, நான் ரெம்ப தெரிஞ்சவ மாதிரி "என்னங்க அநியாயம் இது, நாங்க எப்பவும் 80 தானே தருவோம்"னு என்னமோ வாரா வாரம் அதே ரூட்ல போற மாதிரி பில்ட் அப் பண்ணவும், ரங்கஸ் "என்ன கொடுமம்மா இது"ங்கற மாதிரி ஒரு பார்வை பாத்தார். ஆட்டோக்காரர் 120ல இருந்து 100 ரூபாய்க்கு எறங்கி வந்தார். நானும் லாட்டரில மில்லியன் டாலர் ஜெயச்ச மாதிரி இல்லாத காலரை தூக்கி விட்டுகிட்டேன்
 
மலைக்கோட்டை போறோம்னு சொன்னதுமே "420 படி ஏறணும், ஏறிடுவீங்களா?"னு கீதா மாமி வீட்ல மாமா என்னை சந்தேகமா பாத்தபடி கேட்டார். உள்ளுக்குள்ள ஒதரினாலும், அதெல்லாம் ஏறிடுவேன்னு பந்தா பண்ணிட்டு வந்தேன். 420 படி 420 படினு மலைப்பா நெனச்சுட்டே இருந்ததாலயோ என்னமோ சீக்கரம் ஏறிட்ட மாதிரி இருந்தது
 
"Expectation Kills Joy"னு சொல்லுவாங்க, ஆனா சிரமமான விசயங்கள்ல அது எப்பவும் உல்டா. "இன்னும் கஷ்டமா இருக்கும்"னு மனசுக்குள்ள ஒரு உருவகம் பண்ணிட்டா சீக்கரம் அதை கடந்து போய்டலாம்னு நெறைய விசயங்கள்ல அனுபவப்பூர்வமா உணர்ந்து இருக்கேன். ரெம்ப சீரியஸா போகுதோ போஸ்ட், வேண்டாம் நிறுத்திக்கறேன், இல்லேனா அப்பாவி ஆள் வெச்சு போஸ்ட் எழுதுறானு சொன்னாலும் சொல்லிடுவீங்க...:)
 
மைண்ட்வாய்ஸ் : உன் சமையல் சாப்பிடறப்ப கூட ரங்கஸ் இப்படி தான் உருவகம் பண்ணிகுவார் போல...ஹ்ம்ம்
 
அப்பாவி : வேண்டாம் மைண்ட்வாய்ஸ், மறுபடி கோமாவுக்கு அனுப்பிடுவேன்
 
மைண்ட்வாய்ஸ் : மீ எஸ்கேப்
 
எங்க விட்டேன்... ஹ்ம்ம், மலைல விட்டேன். அட்டகாசமா இருந்தது மலைகோட்டை வெதர், தரிசனமும் தான். ஆனா திருச்சில தண்ணி தான் தலையாய பிரச்சனையா இருந்தது. கோவைல சிறுவாணி தண்ணி குடிச்சுட்டு திருச்சி தண்ணி தாகம் தணிக்கல. வேண்டாம் வாபஸ் வாங்கிக்கறேன்... திருச்சிகாரங்க சண்டைக்கு வந்துட போறாங்க...:)
 
அப்புறம் கீதா மாமி சொன்னபடி தாயுமானவர் சன்னதில வாழைத்தார் பூஜை பண்ணி விநியோகம் செஞ்சோம். அப்பவே மழை கொட்ட ஆரம்பிச்சது. மதியம் வெங்கட் அண்ணா வீட்ல பேசிட்டு இருந்தப்ப தான் "ஸ்ரீரங்கத்துல மழையே வராது"னு சொன்னாங்க,"நாங்க வந்த நேரம் பாத்தீங்களா"னு சொல்ல நல்ல சான்ஸ்னு நெனச்சுட்டேன்...;)
 
ஒருவழியா மழை நின்னதும் தண்ணில நீந்தாத கொறையா மெயின் ரோடுக்கு வந்து வசந்த பவன்ல சாப்பிட்டுட்டு ரூமுக்கு போய் சேந்தோம். மறுநாள் நேரமே கிளம்பி ரங்கநாதரை தரிசிக்க போனோம். நல்ல கூட்டம், நம்மால முடியாது சாமினு, ஸ்பெஷல் தரிசன் டிக்கெட் வாங்கி ஒரு மணி நேரத்துல தரிசனம் கிடைச்சது. இங்கயும் ஜரகண்டி ஜரகண்டி தான்
 
அப்புறம் சத்திரம் பஸ் ஸ்டாண்ட் வந்து சமயபுரம் பஸ் ஏறினோம். அங்கயும் செம கூட்டம், மறுபடி ஸ்பெஷல் டிக்கெட் தான். எப்பா சாமி, அநியாயத்துக்கு வெயில் போங்க. ஆனா தரிசனம் திருப்தியா இருந்தது. வர்ற வழில பாலைவனம் மாதிரி ஒரு எடம் பாத்து ரங்கஸ் பக்கத்துல இருந்தவர்கிட்ட "என்ன இடம் இது"னு கேக்க "கொள்ளிடம் ஆறு"னு பதில் வந்தது. "கொல்லிடம்"னு சொன்னா பொருத்தமா இருக்கும்னு தோணுச்சு, கொடுமை தான் போங்க
 
எங்கம்மா ஊர்ல கெளம்பும் போதே "உறையூர் வெக்காளியம்மன் கோவில் கண்டிப்பா போயிட்டு வாங்க"னு சொல்லி இருந்தாங்க. ஊர் பேர் கேட்டதுமே எங்கயோ படிச்சா மாதிரி இருக்கேனு நெனச்சுட்டே போனேன். ஊர் வாயில்ல "சோழ மண்டலத்தின் தலைநகர் உறையூர்"னு போட்டு இருந்ததை பாத்ததும் "ஓ ஸ்கூல் புக்ல படிச்சு இருக்கோம்"னு ஞாபகம் வந்தது. அங்க கூட்டம் குறைவா இருந்தது, நல்ல தரிசனம்
 
முடிச்சுட்டு ஜங்சன் போய்ட்டோம். திரும்பி வர்றப்ப ரயில் பயணம் சூப்பர். அதுக்கு காரணம் எங்க எதிர் சீட்ல இருந்த ஒரு வாண்டு. நாலு மணி நேரம் போனதே தெரியாம ரகளை பண்ணிட்டு வந்தது. இவ்வாறாக பயணம் இனிதே நிறைவேறியது
 
என்ன கேட்டீங்க? அடுத்தது எந்த ஊருக்கு வரோமா? சொல்லமாட்டனே... சொன்னா நீங்க எஸ்கேப் ஆய்டுவீங்களே... சர்ப்ரைஸ் விசிட் தான் இனிமே...:)
 
பின் குறிப்பு :
ரங்கஸ் இன்னும் சென்னை / மதுரை ரெண்டும் சுத்தினதில்லைனு சொல்றார் . நான் பெங்களூரு இன்னும் பாத்ததில்ல. பாப்போம் அடுத்த முறை சென்னையா, மதுரையா, பெங்களூரானு ...:)
 
 

42 பேரு சொல்லி இருக்காக:

இராஜராஜேஸ்வரி said...

இனிமே சம்மருக்கு கோவை விட்டு எங்கயும் போறதில்லைனு முடிவு பண்ணிட்டோம்

நாங்கள் ரொம்ப நாளுக்கு முன்பே பட்டு
சம்மருக்கு எங்கேயும் நகரக்கூடாது என்று முடிவெடுத்துவிட்டோம்..

Vasudevan Tirumurti said...

//ஆனா என்ன மாயமோ என்ன மந்திரமோ அவங்கள பாத்ததும் சைலண்ட் ஆகிட்டேன். // அவ்வளோ டெரரா இருந்தாங்களா?
:-))))

geethasmbsvm6 said...

//சொன்ன கையோட எங்க கால் திருச்சி மண்ணுல படறதுக்கு சரியா எட்டு மணி நேரம் முன்னாடி டெல்லிக்கு ட்ரைன் புக் பண்ணிட்டார்//

நானும் நினைச்சேன்; போனால் போகுதுனு இருந்துட்டேன். :)))))

வை.கோபாலகிருஷ்ணன் said...

படிக்க மிகவும் சுவாரஸ்யமாகவும் நகைச்சுவையாகவும் இருக்கிறது. பாராட்டுக்கள். வாழ்த்துகள்.

//வை.கோபாலக்ருஷ்ணன் சாருக்கு மொதலே ஈமெயில் பண்ண விட்டுபோச்சு...:( //

ஈ.மெயில் கிடைத்திருந்தாலும் நான் எங்கும் எஸ்கேப் ஆகியிருக்க மாட்டேன். ஏனென்றால் சம்மருக்கு வீட்டைவிட்டு எங்கேயும் போறதில்லைனு முடிவு பண்ணிட்டேன். ;)))))

அடுத்தமுறை திருச்சி வந்தால் அவசியம் வாங்கோ.

geethasmbsvm6 said...

//அப்புறம், பாட்டி வடை சுட்ட கதை உங்களுக்கு தெரிஞ்சு இருக்கலாம், ஆனா பக்கோடா சுட்ட கதை தெரியுமோ. இனிமே என் இட்லிய மாமி கமெண்ட் அடிச்சா இதான் ஒரே ஆயுதம்...:) என் ரங்கஸ்கிட்ட "இந்தாங்க பனிஷ்மண்ட்"னு பக்கோடா தட்டை நீட்டினாங்க மாமி.//

ஹாஹா, அப்பாவியோட நேரம், முன்னாடியே வரப் போறதைச் சொல்லி இருந்தா வேறே ஏதானும் செய்து வைச்சிருப்பேன். எங்கே ஆட்டோவிலே ஏறிட்டு இல்லை சொன்னீங்க! அதான் தண்டனை.

ஆனா ஒண்ணு, அதை மைக்ரோவேவ் பண்ணிக் கொடுத்திருக்கணும். தோணலை. நாங்க அப்படித் தான் சாப்பிட்டோம். சரியா இருந்தது. :))))

geethasmbsvm6 said...

நானும் ஏடிஎம்னு கற்பனை செய்து வைச்சிருந்தது ஒண்ணு. நேரிலே பார்க்க வேறே! என்னத்தைச் சொல்ல! :)))))

geethasmbsvm6 said...

அடுத்த முறை சாப்பாட்டுக்கே வந்துடுங்க. இன்னும் பயமுறுத்தலாம். எங்க ப்ளானே அப்படித் தான் இருந்தது. சாப்பிடக் கூப்பிடணும்னு! க்ர்ர்ர்ர்ர்ர்ர்ர்ர்ர்ர்ர்ர்ர்ர்ர்ர்ர்ர்ர் ஏமாத்திட்டீங்க!

kg gouthaman said...

பெங்களுரு வரும்பொழுது எனக்குத் தெரிவிக்க வேண்டாம்.

திண்டுக்கல் தனபாலன் said...

சிரித்துக் கொண்டே வாசித்த பயணம்...

வல்லிசிம்ஹன் said...

அப்பாவி வருகிற ஃபோன் நான் கீதா கிட்ட பேசிட்டிருந்த போதுதான் வந்தது. படக் பாடக்னு நினைச்சுது மனசு:)

கீதா எக்ஸ்பர்ட் குக் பா.

வெரி நைஸ் படிக்க படிக்க சிரிப்பு. வாழ்த்துகள். புவன்.

வெங்கட் நாகராஜ் said...

ஆஹா, நான் எஸ்கேப் ஆனதுக்குக் காரணம் உங்களூக்கு தெரிஞ்சிடுச்சே! :)

ஆனாலும் அப்படி பயம் இருந்தா, சில மாதங்கள் முன்னாடி சிங்கத்தை அதோட கூண்டிலேயே சந்திச்சு இருப்பேனா சொல்லுங்க!

திருச்சியின் சம்மர் - நிச்சயம் கஷ்டம் தான் கோவை வாசிகளுக்கு! :)

Mahi said...

Super appavi! Glad to see you back! Will come again...

middleclassmadhavi said...

Entertaining!

Shivayam siva said...

வாழ்க வளமுடன்

அப்பாதுரை said...

அடடா, மாடிக்குப் போய் பார்க்கலியே! அடுத்த ட்ரிப்.

வெங்கட் நம்ம கட்சி போலருக்கு.. யாராவது பாக்க வராங்கனு தெரிஞ்சா போதும், வீட்டைப் பூட்டிக்கிட்டுக் கிளம்பிடுவோம்.

கோயமுத்தூர்ல தண்ணி/வெயில் கஷ்டம் கிடையாதா? கொஞ்சம் விரிவா சொல்லுங்க.

கோவை ஆவி said...

நீங்க வரேன்னு சொன்னதும் கிளம்பீட்டாங்களா.. ஹாஹா... பயணக் கட்டுரையை என்னதான் சுவைபட எழுதினாலும் ஓரிரு இடங்களில் கொஞ்சம் சலிப்பு தட்டும்.. ஆனா அப்பாவி எழுதும் போது காமெடி களை கட்டுது..(சரி, இவ்ளோ சொல்லியிருக்கேன், அதுக்காகவாவது கோவை சந்திப்புக்கு இட்லி கொண்டு வராதீங்க.. ;-)))

கோவை ஆவி said...

நானும் போன வருடம் தான் முதல் முறையாக திருச்சி மலைக்கோட்டை ஏறினேன்.. பார்ப்பதற்கு உயரமாக தெரிந்தாலும் ஏறுவதற்கு அவ்வளவு சிரமப்படவில்லை..

Robert said...

(பூ அவங்களே குடுத்துட்டாங்க)//ஏன்னா நீங்க டெரர்ன்னு அவங்களுக்குத் தெரியும் :-)
வரிக்கு வரி நக்கலும் கிண்டலும் அருமை.

kasiviswanath ramanathan said...

அருமை. நல்லாவே கலாய்க்கிறீங்க. கேரளா பக்கம் வாங்களேன். நானும் ரொம்ப நாளாகவே டூர் போக நினைக்கிறேன். வாய்ப்பே வருவதில்லை. நீங்கள் வரும்போதாவது நடக்குமா என்று பார்க்கிறேன்.

வை.கோபாலகிருஷ்ணன் said...

//அப்பாதுரை said...
அடடா, மாடிக்குப் போய் பார்க்கலியே! அடுத்த ட்ரிப்.//

Dear Sir,

தங்களுக்காக நான் எழுதிய “என் வீட்டு ஜன்னல் கம்பி ஒவ்வொன்றாய்க் கேட்டுப்பார்] http://gopu1949.blogspot.in/2013/02/blog-post.html என்ற தொடர் பதிவினை இவர்கள் ஏனோ பார்க்கத்தவறி விட்டார்கள்.

அதனால் திருச்சியில் நான் ‘இருக்கும் இடத்தை விட்டு இல்லாத இட்ம் தேடி எங்கெங்கோ அலைந்திருக்கிறார்கள்’ அந்த ஞானத் தங்கமணி [ATM] அவர்கள்.

வரிக்குவரி நகைச்சுவைத் தாண்டவமாடும், இந்த நகைச்சுவை எழுத்தாளரைப் பார்க்க முடியாததில் எனக்கும் வருத்தம் தான். ;(

geethasmbsvm6 said...

//அப்பாதுரை said...
அடடா, மாடிக்குப் போய் பார்க்கலியே! அடுத்த ட்ரிப்.//


அப்பாதுரை பார்க்கலைனு சொன்னது எங்க குடியிருப்பின் மொட்டை மாடி. :))))

geethasmbsvm6 said...

//வரிக்குவரி நகைச்சுவைத் தாண்டவமாடும், இந்த நகைச்சுவை எழுத்தாளரைப் பார்க்க முடியாததில் எனக்கும் வருத்தம் தான். ;(//

நீங்க வேறே வைகோ சார், அதெல்லாம் நேரிலே ஒரு நகைச்சுவையும் இல்லை. குரலே எழும்பலை. வாயே திறக்கலை! வாயைத் திறந்தால் தானே குரல் எழும்பறதுக்கு! நாங்க தான் பேசினோம். அவங்க ரெண்டு பேரும் கேட்டாங்க. அவங்க ரங்க்ஸாவது கொஞ்சம் வாயைத் திறந்தார். இவங்க அது கூட இல்லை. மிரண்டுபோய் உட்கார்ந்திருந்தாங்க! :)))))))

வை.கோபாலகிருஷ்ணன் said...

//geethasmbsvm6 said...
**அப்பாதுரை said...
அடடா, மாடிக்குப் போய் பார்க்கலியே! அடுத்த ட்ரிப்.**

//அப்பாதுரை பார்க்கலைனு சொன்னது எங்க குடியிருப்பின் மொட்டை மாடி. :))))//

அடடா, அப்படியா ! நானும் பார்க்காத்தால் ஏற்பட்ட குழப்பம் எனக்கு.

தங்கள் வீட்டு மொட்டைமாடி, மொட்டையாக இல்லாமல் நிறைய முடிகளுடன் இருக்குமோ?????

பொதுவாக பெண்கள் மொட்டைமாடிக்குச்சென்று, தலை சீவிக்கோண்டே இருப்பார்கள். காற்றில் முடிகள் இங்குமங்கும் சுழன்று கொண்டே இருக்கும். அதனால் கேட்டேன். ;)))))

வை.கோபாலகிருஷ்ணன் said...
This comment has been removed by the author.
வை.கோபாலகிருஷ்ணன் said...

geethasmbsvm6 said...

*****வரிக்குவரி நகைச்சுவைத் தாண்டவமாடும், இந்த நகைச்சுவை எழுத்தாளரைப் பார்க்க முடியாததில் எனக்கும் வருத்தம் தான். ;(******/

//நீங்க வேறே வைகோ சார், அதெல்லாம் நேரிலே ஒரு நகைச்சுவையும் இல்லை. குரலே எழும்பலை. வாயே திறக்கலை! வாயைத் திறந்தால் தானே குரல் எழும்பறதுக்கு! நாங்க தான் பேசினோம். அவங்க ரெண்டு பேரும் கேட்டாங்க. அவங்க ரங்க்ஸாவது கொஞ்சம் வாயைத் திறந்தார். இவங்க அது கூட இல்லை. மிரண்டுபோய் உட்கார்ந்திருந்தாங்க! :)))))))//

பொதுவாகவே எழுதுபவர்களுக்கு சரளமாகப் பேச வராது. நானும் அதே டைப் தான்

என்னுடன் மிகவும் நெருக்கமாகப் பழகிடும் ஒருசில நண்பர்களுக்கு மட்டுமே, என்னைப்பற்றியும், என் நகைச்சுவைப்பேச்சுக்கள் பற்றியும் நன்கு தெரியும்.

அவர்களிடம் மட்டுமே நான் சரளமாக நகைச்சுவையாக பேசுவது உண்டு.

மற்றபடி எனக்கும் சபைக்கூச்சம் மிக மிக அதிகம்.

மற்றவர்களிடம் வாயே திறக்க மாட்டேன். நான் மிகவும் RESERVED TYPE என்று தான் பலரும் சொல்லுவார்கள்.

Ananya Mahadevan said...

சான்ஸ்லெஸ் அப்பாவி! கலக்கிட்டே போ.. சிரிச்சுண்டே இருந்தேன்! கொஞ்சம் கூட அலுப்பு தட்டாம எப்படித்தான் இவ்ளோ லாவகமா எழுதறையோ? சூப்பர்!
ரங்குவை வெறுப்பேத்தியது, பேரம் பேசி ஆட்டோ பிடிச்சது, கீத்தா மாத்தாவின் தரிசனத்தில் ஜென்ம சாபல்யம் அடைந்தது.. ஆல் தி மேட்டர்ஸ் ஆஃப் தி வெரி எஞ்சாயபிள் யூ ஸீ! எக்ஸலண்ட்!
நீ நெக்ஸ்ட் சென்னை தான் வரணும்.. ப்ளீஸ் ... ஏன்னா நான் சீக்கிரமே பாலக்காடு போகலாம்ன்னு இருக்கேன்.. ஹி ஹி !

ஹுஸைனம்மா said...

// திருச்சி தண்ணி தாகம் தணிக்கல. //

உண்மைதாம்ப்பா. காவிரித் தண்ணின்னு சொல்வாங்க, குடிச்சா தாகமே தீராது. போர் வாட்டர் மாதிரிதான் இருக்கும். :-(

geethasmbsvm6 said...

ஹுசைனம்மா, ஏடிஎம் தான் சிறுவாணித் தண்ணீர் மகிமைலே பேசறாங்கன்னா நீங்களுமா? :))))) க்ர்ர்ர்ர்ர்ர்ர்ர்ர்ர்ர்ர்ர்ர்ர்ர்ர் இங்கே வந்து ஒரு வாய் குடிச்சுப் பாருங்க. அப்புறமா வேறே தண்ணீரே குடிக்க மாட்டீங்க. பாத்திரமெல்லாம் சும்ம்ம்ம்ம்ம்ம்ம்ம்மா பளபளா தான்! :))))

ஹுஸைனம்மா said...

கீதா மேடம், நான் குடிச்ச திருச்சி தண்ணி அப்படித்தான் இருந்துது. உங்க ஏரியா தண்ணி நல்லாருக்கும்போல. (இறைவன் நாடினால்) அடுத்த முறை திருச்சி வரும்போதே உங்க வீட்டுக்கு வந்து, இருந்து விருந்து சாப்பிட்டுட்டு, என் 4-நாள்-திருச்சி வாசத்திற்கான தண்ணியையும் உங்ககிட்ட ஒரு பெரிய கேன்ல வாங்கிட்டுப் போறேன்!! :-))

geethasmbsvm6 said...

செய்ங்க ஹூசைனம்மா. :))))

அப்பாவி தங்கமணி said...

@ இராஜராஜேஸ்வரி - நாங்க இப்பதாம்மா பட்டு திருந்தி இருக்கோம்... இனி சம்மர் ஒன்லி இன் கோவை...:)



@ Vasudevan Tirumurti - சரியா சொன்னீங்க திவாண்ணா...:)



@ geethasmbsvm6 - அதானே...:)



@ வை.கோபாலகிருஷ்ணன் - நன்றிங்க... கண்டிப்பா மறுமுறை திருச்சிக்கு வரும் போது சொல்லிட்டு வரேன்



@ geethasmbsvm6 - மாமி, எங்களுக்கும் சாயங்காலம் டிபனுக்கு வர்ற ஐடியா தான் இருந்தது. ரங்கநாதர் செடியூல் மாறிப்போனதால எல்லாமும் மாறி போச்சு. ஜஸ்ட் கிட்டிங் மாமி, நீங்க சமையல் திலகம்னு ஊருக்கே தெரியுமே...:)



@ geethasmbsvm6 - என்ன கற்பனை? அதையும் கொஞ்சம் சொல்லுங்களேன்...:) அடுத்த முறை ஸ்டேசன்ல இருந்து நேரா அங்கேயே வந்துடறோம் (சொல்லிட்டு..:)



@ kg gouthaman - போஸ்டர் அடிச்சு ஓட்டிடுவோம் பாருங்க



@ திண்டுக்கல் தனபாலன் - நன்றிங்க



@ வல்லிசிம்ஹன் - கீதா மாமி சொன்னங்கம்மா நீங்க போன் பேசிட்டு இருந்தீங்கன்னு.. உங்க ஊருக்கு வரும் போது முன் கூட்டியே சொல்லிட்டே வரோம்மா...:) கீதா மாமி எக்ஸ்பெர்ட் குக் என்பது ஊரறிந்த உண்மை'ம்மா, சும்மா கிடைக்கற சான்ஸ் விடாம கலாய்க்கிறது தான்...;)

அப்பாவி தங்கமணி said...

@ வெங்கட் நாகராஜ் - ஹ ஹ... கண்டுபிடுச்சுட்டோம் [பாத்தீங்களா...:) பின்ன, கோவை மாதிரி வருமா சொல்லுங்க...:)



@ Mahi - தேங்க்ஸ் மகி..:)



@ middleclassmadhavi - தேங்க்ஸ்



@ Shivayam siva - நன்றிங்க



@ அப்பாதுரை - கட்டாயம் பாருங்க... மிஸ் பண்ண கூடாத வியுவ் பாய்ன்ட். கோவைல தண்ணி / வெயில் கஷ்டம் இருக்குங்க, ஆனா திருச்சி அளவுக்கு இல்லை'னு தோணலைங்க. என்ன இருந்தாலும் எங்க ஊர் எங்க ஊர் தான்...:)



@ கோவை ஆவி - ஆமாங்க, சொன்னதும் எஸ்கேப்...;) சரி ஒகே நோ இட்லி பார் கோவை சந்திப்பு...:)



@ Robert - நன்றிங்க...:)



@ kasiviswanath ramanathan - நன்றிங்க


@ வை.கோபாலகிருஷ்ணன் - எனக்கும் வருத்தம் தான்... நேரமின்மையும் ஒரு காரணம். அடுத்த முறை ஒரு வார ட்ரிப் பிளான் பண்ணி வரணும் போல இருக்கு... சரி சரி பயந்துடாதீங்க...:)


@ geethasmbsvm6 - என்ன பண்றது? உங்கள பாத்ததும் சைலன்ட் ஆகிட்டேன், ரங்கஸ்'ஏ ஆச்சிர்யமா கேட்டார்'னா பாத்துக்கோங்களேன்... :)

அப்பாவி தங்கமணி said...

@ வை.கோபாலகிருஷ்ணன் - நீங்க சொல்றதும் சரி தாங்க


@ Ananya Mahadevan - தேங்க்ஸ் அனன்ஸ்...;) அடிப்பாவி நீயும் எஸ்கேப்பா... இரு இரு சொல்லாம கொள்ளாம வந்து கதவை தட்டறேன்...:)


@ ஹுஸைனம்மா - பாருங்கக்கா, நான் சொன்னா யாரும் நம்ப மாட்டேங்கறாங்க...:)


@ geethasmbsvm6 - அப்புறம் வேற தண்ணி குடிக்க முடியுமா என்ன? ...:) பாத்திரம் வேணா பளபளா... பட் தாகம் கலகலா தான்...;)

புதுகைத் தென்றல் said...

திருச்சி வெயில் எப்பவுமே கொடுமை. இந்த வாட்டி எல்லா ஊரும் கொடுமை லிஸ்ட்டில் சேர்ந்திருக்கு.

நான் அதனாலதான் சம்மரில் ஹைதையே கதின்னு இருப்பது. இங்க என்னதான் வெயில் போட்டு தாக்கினாலும் கசகசன்னு வேர்க்காது. வெளியில சுத்தாம நல்ல பிள்ளையாய் வீட்டில் இருக்கலாம்.

ஊர் சுத்தும் லிஸ்ட்டில் ஹைதையையும் சேர்த்துக்கோங்க.

அமைதிச்சாரல் said...

//ப்ளாக்ல மாதிரி நேர்லயும் நல்ல ரகளை பண்ணனும் மாமிகிட்ட அப்படினு நெறைய கதை வசனம் எல்லாம் ரெடி பண்ணிட்டு போனேன், ஆனா என்ன மாயமோ என்ன மந்திரமோ அவங்கள பாத்ததும் சைலண்ட் ஆகிட்டேன்.//

ஆஹா.. மாத்தாவின் மகிமையே மகிமை :-))

திண்டுக்கல் தனபாலன் said...

வணக்கம்...

உங்களின் தளம் வலைச்சரத்தில் அறிமுகப்படுத்தி உள்ளது... வாழ்த்துக்கள்...

மேலும் விவரங்களுக்கு இங்கே (http://blogintamil.blogspot.in/2013/06/blog-post_19.html) சென்று பார்க்கவும்... நன்றி...

அ. பாண்டியன் said...

உங்கள் பயணத்தில் எங்களையும் பயணிக்க வைத்தமைக்கு நன்றி.. //கொள்ளிடம் ஆற்றை "கொல்லிடம்"னு சொன்னா பொருத்தமா இருக்கும்னு தோணுச்சு// பொருத்தமான வரிகள். அன்புடன் அ.பாண்டியன். வலை

அ. பாண்டியன் said...

உங்கள் பயணத்தில் எங்களையும் பயணிக்க வைத்தமைக்கு நன்றி.. //கொள்ளிடம் ஆற்றை "கொல்லிடம்"னு சொன்னா பொருத்தமா இருக்கும்னு தோணுச்சு// பொருத்தமான வரிகள். அன்புடன் அ.பாண்டியன். வலை

அப்பாவி தங்கமணி said...

@ புதுகைத் தென்றல் - சொல்லிட்டீங்கல்ல... கண்டிப்பா ஹைதைக்கும் வரோம் அக்கா... :)

@ அமைதிச்சாரல் -அதே அதே...:)

@ திண்டுக்கல் தனபாலன் - ரெம்ப நன்றி சார்

@ அ. பாண்டியன் - நன்றிங்க பாண்டியன்

திண்டுக்கல் தனபாலன் said...

உங்களின் தளம் வலைச்சரத்தில் அறிமுகப்படுத்தி உள்ளது... வாழ்த்துக்கள்...

மேலும் விவரங்களுக்கு : கீழுள்ள இணைப்பை சொடுக்கவும் :

அன்பின் பூ - இரண்டாம் நாள்

அப்பாவி தங்கமணி said...

@ திண்டுக்கல் தனபாலன் - Very sorry, seeing your message only now. Thanks for sharing the news

இராஜராஜேஸ்வரி said...


http://blogintamil.blogspot.in/2014/08/blog-post_23.html
இன்றைய வலைச்சர அறிமுகத்துக்கு வாழ்த்துகள்..

Post a Comment